«Gaýhar joly»  qoǵamdyq birlestigi úkimettik emes uıymdarǵa arnap «Elektrondyq satyp alý salasyndaǵy saýattylyqty arttyrý» taqyryby boıynsha  semınarlar ótkizýde.  Onda memlekettik áleýmettik qyzmetter portalynda sapaly jumys isteý, ESQ, elektrondyq shot-faktýralar júrgizý baǵytynda dárister oqylýda.

QR Din isteri jáne azamattyq qoǵam mınıstrliginiń qoldaýymen «Azamattyq bastamalardy qoldaý ortalyǵy» AQ-nyń memlekettik granty aıasynda «Batys Qazaqstan oblysynda «jalǵyz tereze» qaǵıdaty boıynsha úkimettik emes uıymdarǵa qoldaý kórsetýge arnalǵan azamattyq ortalyqtardy uıymdastyrý men damytý» jobasyn iske asyrýdy bastaǵan bolatyn. Iaǵnı atalmysh birlestik oblys boıynsha úkimettik emes uıymdardyń azamattyq ortalyǵynyń jumysyn atqarady.

– Kóptegen úkimettik emes uıym memlekettik áleýmettik qyzmetter portalymen jumys istegende qatelikter jiberip jatady.  Mysaly, olar qajetti bir qujatty qospaı qalýy múmkin nemese tıisti úlgide jazbaıdy. Al portaldy mindetti túrde ustanatyn naqty  erejeler bar. Biz bul semınarǵa negizinen aýyldyq jerlerdegi ÚEU-ny shaqyrýǵa tyrystyq. Óıtkeni olar portalda jumys jasaǵanmen, ol jóninde aqparattary az. Oqytý barysynda olarǵa portalda qalaı saýatty jumys jasaý qajettigi jóninde jan-jaqty aqparat beretin bolamyz. Semınardyń maqsaty da osy uıymdardyń kásibıligin arttyrý boldy. Biz aldaǵy ýaqytta ÚEU ókilderi portalda saýatty jumys jasaıtynyna senemiz. Búginde oblys boıynsha 655 úkimettik emes uıym bar bolsa, olardyń 238-i aýyldarda jumys jasaýda. Qyrkúıek aıyna qaraı aýyldyq jerlerdegi ÚEU-lar úshin forým ótkizýdi josparlap otyrmyz, – deıdi  «Gaýhar joly» QB jetekshisi  Gúlnara Kasenova. 

Oqytý semınaryna Zelenov, Aqjaıyq, Jánibek, Terekti, Syrym jáne Tasqala aýdandary men Aqsaı, Oral qalalaryndaǵy úkimettik emes uıymdardyń músheleri qatysýda.