Astana kúni qarsańynda Batys Qazaqstan oblysy Qaztalov aýdanynyń Jalpaqtal aýylynda  jańa úlgidegi modeldi kitaphana ashyldy.

Modeldi kitaphana jańa múmkinshilikterge jol ashady. Ǵylymı-tehnıka damyǵan zamanda  atalmysh kitaphananyń mańyzy zor ekeni anyq. Ásirese, onyń ereksheligi - munda  kitaptardyń elektrondy aqparattar qory qalyptastyrylyp, kitaphanalyq qorlar damytylady, materıaldy-tehnologıalyq baza nyǵaıtylyp, oqyrmandar ǵalamtor júıesin paıdalana alady. 

Aýyl halqyn Astana kúni merekesi qarsańyndaǵy qýanyshtarymen quttyqtaǵan Qaztalov aýdanynyń  ákimi Abat  Shynybekov modeldi kitaphana aýyl oqyrmandarynyń suranysyna qyzmet etip, jańa júıede jumys jasaýlaryna tilektestigin jetkizdi.

- Adam balasy kitap oqymaı, tek qana ǵalamtor nemese teledıdarmen bilimdi bola almaıdy. Sondyqtan, urpaǵymyz kún saıyn kitap oqyp, únemi izdeniste bolý kerek. Búgingi ashylyp otyrǵan modeldi kitaphana mektep pen aýyl turǵyndary úshin asa qajet rýhanı orda, -degen aýdan basshysyJalpaqtal aýyldyq kitaphanasyna modeldi kitaphana statýsy berilgendigi týraly sertıfıkattyn tabys etti. Jalpaqtal jurtshylyǵy úshin modeldi kitaphananyń ashylýy úlken qýanysh. Kitaphana rýhanı orda zamanaýı talapqa saı jabdyqtalǵan jáne qyzyqty degen kitap-jýrnaldardyń barlyǵyn da osy jerden tabýǵa bolady. Jergilikti turǵyndardyń kórkem ádebıetke, jalpy kitap oqýǵa degen qyzyǵýshylyǵy artady dep senemiz,- dedi Abat Abaıuly.

Modeldi kitaphana – oqyrmandarǵa qyzmet kórsetýdi joǵary satyǵa kóteretin jańa kitaphananyń standarty. Búginde Jalpaqtal kitaphanasynda 30 myńnyń ústinde kitap qory bar. Oqyrmandar kitaphanada sondaı-aq,  ǵalamtor júıesin de paıdalana alady.Lenta qıý rásiminen soń qonaqtar jańadan ashylǵan kitaphanany aralap, ondaǵy bólimdermen tanysty.