Smart city etalondyq úlgisi ázirleý boıynsha jumystar júrgizilip jatyr. Onyń nátıjesinde aımaqtardyń ortalyq memlekettik organdarmen ózara qarym-qatynasy kúsheımek. Ózekti máseleler men otandyq IT naryq damıtyn bolady, - dep málimdedi Aqparat jáne komýnıkasıa mınıstri D. Abaev Úkimettiń búgingi otyrysynda. Bul jaıynda Qamshy.kz aqparat agenttigi digitalkz.kz saıtyna silteme jasap habarlaıdy.

«Aqyldy qala mynalarǵa múmkindik beredi: basym mindetterdi sheshetin qajetti ónimder men tehnologıalardy engizýge, ózekti máselelerdi sheshý jáne aımaqtaǵy tabysty jáne perspektıvalyq damytý arqyly aımaqtyń ekonomıkalyq jáne áleýmettik damýyna jaǵdaı jasaýǵa, otandyq IT naryqty damytýǵa yqpal etedi», - dedi Daýren Áskerbekuly.

Taǵy da aıta keterligi, «Sıfrlyq Qazaqstan» baǵdarlamasynyń aıasynda elimizdiń barlyq oblystarynda sıfrlyq keńseler ashyldy.                                              

«Sıfrlandyrý aıasynda Aqparat jáne komýnıkasıa mınıstrligi kelesi jumystardy istedi. Barlyq 16 oblystyń ákimdikterinde sıfrlandyrý keńseleri quryldy. Jergilikti atqarýshy organdar iske asyratyn jobalardy úılestirý prosesin mınıstrlik jáne Zerde Holdıńi negizinde qurylǵan sıfrlandyrýdyń ortalyq shtaby basqaryldy.  Oblystar men ortalyqtandyrylǵan ári úılestirilgen ózara baılanysty ornatý úshin jol kartalaryn jobalar jáne ózge de aqyldy qalalardy jasaý maqsatynda arnaıy portal jumys isteıtin boldy», - dedi mınıstr.

Sondaı-aq, mınıstr óńirlerdegi sıfrlandyrýǵa toqtalyp, sátti júzege asyp, elimizge oń nátıje berip jatqanyn aıtty.

«Aqyldy qala jobalaryn iske asyrylýy boıynsha birneshe mysal keltire keteıin. Pavlodar oblysynyń bilim berý salasyndaǵy onlaın jýrnal men kúndelikterdi iske qosý arqyly oqýshylardyń oqý úlgerimi 3 paıyzǵa ósti. Shyǵys Qazaqstan oblysyndaǵy aýdan ortalyqtarynan tys ornalasqan 67 dárigerlik ambýlatorıalardy jáne feldsherlik-akýsherlik oryndardy  ınternet jelisine qosýdyń arqasynda halyqqa memlekettik qyzmet kórsetýdiń úlesi 93 paıyzǵa artqan», - dedi ol.

Onyń aıtýynsha, sıfrlandyrýdyń arqasynda Batys Qazaqstan oblysy alǵashqy medısınalyq kómek kórsetetin ýaqytty qysqartty. Atap aıtqanda, jedel járdemniń kelý, jedel járdemdi basqarý júıeleri engizildi.

«Smart tehnologıalardy engizý úshin Astana kóshe jaryǵyna qyzmet kórsetý shyǵyndaryn 30 paıyzǵa deıin qysqartqan. Al, energıa qorlaryn 60 prosentke deıin tómendetti», - dedi QR Aqparat jáne komýnıkasıalar mınıstri.