Túrkistan oblysynan Ózbekstan Respýblıkasyna jóneltiletin aýyl sharýashylyǵy ónim kólemi artyp keledi. Búgingi tańda óńirden kórshi elge un, et, maı ónimderi eksporttalýda. Búgin bul týraly Túrkistan oblystyq óńirlik komýnıkasıalar qyzmetinde ótken brıfıńte Aýyl sharýashylyǵy basqarmasynyń basshysy Serik Turbekov málim etti.

Aǵymdaǵy jyldyń 6 aıynda oblystaǵy aýyl sharýashylyǵynyń jalpy ónim kólemi 146,4 mlrd. teńgeni qurap, ótken jyldyń tıisti kezeńimen salystyrǵanda 25,4 mlrd. teńgege artqan. Respýblıkada ónim kólemi boıynsha oblysymyzdyń úlesi 14,6 paıyzǵa jetip, 2-oryndy ıelenip otyr. Al aýyl sharýashylyǵy eksportynyń kólemi 68,6 mln. AQSH dollaryn qurap 18,2 paıyzǵa artyp otyr.

«2018 jyldyń 6 aıynyń qorytyndysy boıynsha aýyl sharýashylyǵy negizgi kapıtalyna tartylǵan ınvestısıa kólemi 4686,4 mln. teńgege jetip, ótken jyldyń tıisti kezeńimen salystyrǵanda 34 paıyzdy qurady. Sondaı-aq, aǵymdaǵy jyly 448 myń gektar sýarmaly jerdi ıgerý jospary qazirgi tańda 3,3 paıyzǵa artyǵymen oryndalǵan. Budan ózge, bıyl aýyl sharýashylyǵy salasyndaǵy barlyq tehnıkalardyń 6,2 paıyzy jańardy», - dedi Serik Ordabekuly.

Sonymen qatar, búgingi tańda óńirde 60 myńnan asa úı sharýashylyqtary men shaǵyn fermer múshelerinen quralǵan 704 aýyl sharýashylyǵy kooperatıvteri tirkelip, jumystaryn júrgizýde.