Almaty qalasy İİD-men ótken qoǵamdyq tyńdaý barysynda keńes múshelerniń biri Álibek Shápenov QR zańnamasyn qaıta qaraýdy usyndy, dep jazady Qamshy.kz aqparat agenttigi.

«Meniń baıqaýymsha, ishki ister organynda jumys isteıtinder tym bosańsyp ketken. Ondaǵy jaǵdaı tipti nashar dese de bolady. Nege bulaı boldy? Qylmys álemi kúshine engen, qorqý degen sezim múldem qalmady. Menińshe, bul qoǵamdy izgilendirýmen baılanysty. Álemdik standarttardyń izinen qýamyz dep júrip ózimizdiń Eýropa emes ekenimizdi esten shyǵaryp alamyz. Azamattardyń konstıtýsıalyq quqyǵyn qorǵaý degendi basqasha túsinemiz. Ustalǵandardyń biri dál sol kúni, sol ýaqytta, sol sátte Astanada, sot zalynda turýy tıis edi. Buǵan deıin jasaǵan qylmysy úshin jaýap berýi tıis edi. Tek bári basqasha boldy», - dedi Álibek Shápenov.

Onyń aıtýynsha, qylmyskerlerdi erkin bosatyp jiberýdiń bir sebebi, zań qylmysqa adamgershilikpen qaraıdy.

«Iaǵnı, biz qylmys jasaǵan adamnyń konstıtýsıalyq quqyǵyn qorǵap, tergeý bólimderine jibermeımiz, basqa da aýyr jazalardy qoldanbaımyz. Biz – tonalǵan, qorlanǵan qarapaıym halyqpyz. Bulaı bolmaıdy, zańdy qaıta qaraý kerek. İzgilikke bizdiń qoǵam daıyn emes», - dedi ol.

Sonymen qatar «polıseılerdi yntalandyrý úshin aılyǵyn kóterý kerek» degendi de aıtyp qaldy.