Atyraý oblysynyń ákimi Nurlan Noǵaev Isataı aýdanyna jumys saparynda búdjet qarajaty esebinen fqarjylandyrylatyn qurylys nysandaryna tehnıkalyq qadaǵalaýdy qamtamasyz etýge qatysty eskertýler aıtty.

Jumys sapary barysynda aımaq basshysy Isataı aýdany Zıneden aýylyndaǵy Kaspıı teńizi jaǵalaýynda salynatyn 500 oryndyq oqý-saýyqtyrý lageriniń qurylys ornyna bardy. Lager qurylysy, atalǵan orynǵa ınjenerlik-kommýnıkasıalyq ınfraqurylym júrgizý shaǵyn jáne orta bıznes sýbektilerine jańa demalys oryndaryn ashýǵa múmkindik beredi, ol óz kezeginde jańa jumys oryndaryn ashýǵa, SHOB sýbektilerin kóbeıtýge, ishki jáne syrtqy týrızmdi damytýǵa yqpal etedi. Qazir saýyqtyrý lageriniń jobalaý-smetalyq qujattamasy saraptamadan ótip jatyr.

Aımaq basshysy, sondaı-aq, Zıneden selosyndaǵy 100 oryndyq balabaqsha qurylysyna, Kadyrka selosyndaǵy 60 páterlik turǵyn úı qurylysyna, Qurmanǵazy aýdany ortalyǵyndaǵy 75 oryndyq aýrýhana qurylysyna bardy.

Qurylys nysandaryn qaraý kezinde kúndelikti tehnıkalyq qadaǵalaýdyń joqtyǵy aımaq basshysynyń narazylyǵyn týdyrdy. Belgili bolǵandaı, qurylys sapasyna baqylaý júrgizýge jaýapty mamandar keıbir jumys túrlerin nysan basyna barmaı, qashyqtan qabyldap kelgen.

-Bul - jaýapty tulǵalardyń qateligi, tehnıkalyq qadaǵalaý kún saıyn bolýy kerek. Tehnıkalyq qadaǵalaý mamandarynyń qortyndysy boıynsha tapsyrys berýshiler nysandy balanstaryna qabyldaıdy, al kúndelikti qadaǵalaýdyń bolmaýynyń saldarynan qurylys prosesinde buzýshylyqtar bolýy múmkin. Keıin solardy joıý qajettiligi týyndap, qosymsha búdjet qarajaty jumsalady, -dedi Nurlan Noǵaev. -Tehnıkalyq qadaǵalaý mamandary nysanda kún saıyn bolyp, barlyq jasalǵan jumys sapasyn baqylaýlary kerek. Biz bizdiń talabymyz jáne onyń oryndalýyn baqylaýda ustaıtyn bolamyz.

Nurlan Noǵaev qurylys nysandaryna selolyq okrýgterdegi jumyssyz turǵyndardy tartý jumyssyzdyqty azaıtýǵa septigin tıgizetinin aıtty.

-Jergilikti atqarýshy organdardyń qyzmetkerleri óz aýyldaryndaǵy jumyssyz adamdardy jumysqa ornalastyrýǵa kúsh salýlary kerek. Ol úshin qajet jaǵdaıdyń bári bizde bar, solardy tıimdi paıdalanýǵa tıispiz,-dedi Nurlan Noǵaev.

Oblys ákimi Isataı aýdanyndaǵy aýylishilik joldar qurylysyn da tekserdi. Aıta keteıik, 2018 jyly Atyraý oblysynda 280 shaqyrym jol qurylysy josparlanǵan, onyń 220-sy oblys ortalyǵynda, qalǵandary aýdandarda.