WBC, WBA (Super) jáne IBO tujyrymdary boıynsha orta salmaqtaǵy álem chempıony Gennadıı Golovkın (38-0-1, 34 KO) ESPN Deportes basylymyna bergen suhbatynda meksıkalyq Saýl "Kanelo" Alvarespen (49-1-2, 34 KO) alda ótetin revanshtyń qalaı aıaqtalatynyn boljady, - dep habarlaıdy Qamshy.kz aqparat agenttigi Vesti.kz  saıtynyń aqparatyn negizge alyp.

Aıta keteıik, boksshylardyń aldaǵy jekpe-jegi 15 qyrkúıekte Las-Vegastaǵy T-Mobile arenasynda ótedi.

"Men birinshi jekpe-jekte jeńiske jettim. Men ony tek statısıkaǵa qarap aıtyp otyrǵan joqpyn. Men adamdardyń sol kezdesýdi óz kózimen kórgeni úshin aıtyp otyrmyn. Belbeýlerimdi saqtap, úıge oraldym. Áli de álem chempıony bolyp sanalamyn. Sýdıalar ádil bolsa ekinshi kezdesý men úshin ǵana emes, búkil boks úshin mańyzdy bolmaq. Menińshe, aýyr jekpe-jek ótedi. Sebebi biz ekeýmiz ońaı qarsylas emespiz. Ekinshi kezdesý barlyq dıstansıadan ótpeıtin sıaqty", - dedi Golovkın suhbatynda.

"Bizdiń sparrıngter ol bólek nárse. Ol kezde "Kanelo" jas, jyly shyraıly, shynaıy boldy. Bir-birimizge kómektestik. Biraq sońǵy ýaqytta jaǵdaı ózgerdi. Menińshe, ol muny túsinip te júrgen joq", - dedi qazaqstandyq boksshy.

Sondaı-aq, suhbat alǵan jýrnalıs áleýmettik jelidege paraqshasynda Golovkınniń Big Bear-da meksıkalyqpen ótetin revanshqa daıyndalyp jatqany túsirilgen sýretti jarıalady.