Jyl saıyn 5 tamyzda atap ótiletin Medıasıa kúniniń qarsańynda QR Qoǵamdyq damý mınıstrligi Azamattyq qoǵam isteri komıtetiniń bastamasymen QR Joǵarǵy Sotymen birlese otyryp, medıasıa máseleleri boıynsha qoǵamdastyq pen memlekettiń ózara is-qımylyn jaqsartý maqsatynda «Qazaqstandaǵy medıasıa: jaǵdaıy men bolashaǵy» atty dıalog alańy bolyp ótti, dep habarlaıdy Qamshy.kz aqparat agenttigi.
Medıasıa – bul beıtarap tulǵa-medıatordyń nemese sot medıasıasynyń qatysýymen shıelenýshi taraptardy erikti kelissóz joly arqyly tatýlastyrý úrdisi.
Daýly máselelerdi sheshý kezinde tatýlasý úrdisterin keńinen qoldaný Elbasynyń «100 naqty qadam» Ult josparynda qoıylǵan mindetterdiń biri bolyp tabylady.
Dıalog alańy jumysyna memlekettik organdardyń, úkimettik emes uıymdardyń jáne buqaralyq aqparat quraldarynyń ókilderi qatysty.
Talqylaý barysynda medıasıany jáne ózge tatýlasý úrdisterin damytý, Qazaqstanda medıasıany qoldanýdyń tájirıbesi, mekteptegi deldalyq jáne medıasıany kásipodaqtar uıymdary jáne basqalarynyń jumysynda qoldaný máseleleri qozǵaldy.
Dıalog alańynyń moderatory QR QDM Azamattyq qoǵam isteri komıtetiniń tóraıymy Álıa Ǵalymovanyń aıtýy boıynsha, medıasıany áleýmettik ómir mehanızmderine engizý azamattyq qoǵam ınstıtýttarynyń damýyna áser etedi.
Medıasıa daýlardy sheshýdiń balamaly túri jáne eń tanymal formasy bolyp tabylady. Damyǵan memleketterdiń statısıkasy medıasıa úrdisiniń 83-85% tıimdi ekendigin kórsetti. Medıasıa azamattyq qoǵamnyń negizi, demokratıa men jahandanýdyń joly degen pikir qalyptasqan. Mysalǵa, Qazaqstanda Medıasıany damytý ortalyǵynyń málimetteri boıynsha 2018-ge jýyq medıator 24 147 daýdy sheshken.
Dóńgelek ústeldiń nátıjesi boıynsha qatysýshylar medıasıany damytýǵa birqatar usynystar aıtty. Jalpylaı alǵanda, usynystar zańnama bazasyn jetildirý, medıasıa ortalyqtaryn qurý, azamattyq qoǵam ınstıtýttaryn tartýmen aqparattyq-nasıhattaý jumysyn júrgizýge qatysty.
Sonymen qosa, medıasıany jáne ózge de tatýlastyrý úrdisterin qoldaný arqyly qoǵamdaǵy shıelenis deńgeıin tómendetý maqsatynda Qoǵamdyq damý mınıstrligi men Joǵarǵy Sot arasynda yntymaqtastyq jónindegi memorandýmǵa qol qoıý josparlanýda.
