Nursultan Nazarbaev Reseı Federasıasynyń Prezıdenti Vladımır Pýtınge kóńil aıtý jedelhatyn joldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
Memleket basshysy Krasnoıar ólkesinde Mı-8 jolaýshylar tikushaǵynyń apatqa ushyraýy saldarynan kóptegen adamnyń qaza tapqany týraly habardy zor kúızelispen qabyldady.
«Qazaqstan halqynyń jáne jeke ózimniń atymnan orny tolmas qaıǵyǵa ortaqtasyp, kóńil aıtamyn jáne qaza tapqandardyń týystary men jaqyndaryna qoldaý bildiretinimizdi jetkizýdi suraımyn», – delingen jedelhatta.
Eske sala ketsek, búgin Reseı Federasıasy Krasnoıar aımaǵyndaǵy Vankorsk aýdanynda Mı-8 tikushaǵy qulap, 18 adam qaıtys boldy.
