Qazaq eginshilik jáne ósimdik sharýashylyǵy ınstıtýtynyń bazasynda aýyl sharýashylyǵy salasyna ınovasıalardy engizý máselesi boıynsha keńes ótti.

Keńeste Premer-mınıstrdiń orynbasary – QR Aýyl sharýashylyǵy mınıstri Ó.E. Shókeev Almaty, Jambyl, Qyzylorda jáne Túrkistan oblystarynyń aýyl sharýashylyǵy basqarmalary men ákimdik basshylary, beıindi ǵylymı-zertteý uıymdary jáne JOO jetekshileri, sondaı-aq aldyńǵy qatarly fermerlik sharýashylyq pen ǵylymı qoǵamdastyq ókilderi qatysty.

Kezdesýdiń negizgi maqsaty agrarlyq ónerkásip keshenin sıfrlandyrý máselesi men ózekti kún tártibin belgileý úshin aldyńǵy qatarly agrotehnologıalardy engizýge, birlesken sheshimder nusqasyn ázirleý sekildi máselelerge qyzyǵýshylyq tanytýshy taraptardyń barlyǵyn bir alańǵa jınaý boldy. Memleket basshysynyń jyl saıynǵy Joldaýyndaǵy alǵa qoıǵan strategıalyq mindetterin júzege asyrýǵa baǵyttalǵan sheshimderdiń ishinde eń birinshi kezekte AÓK-da eńbektiń ónimdiligi men qaıta óńdelgen aýyl sharýashylyǵy ónimderin kem degende 2,5 esege arttyrý maqsaty tur.

Kezdesý barysynda qatysýshylar aýyl sharýashylyǵyna ınovasıa engizýdiń keleshegi men qazirgi nátıjelerin talqylady. Memleket aýyl sharýashylyǵyndaǵy tıimdi sheshimder – transfert, beıimdeý jáne aprobasıa boıynsha shyǵyndardy óz moınyna alý sekildi Aýyl sharýashylyǵy mınıstrligimen júzege asyrylǵan jobalar bıznes úshin qosymsha shyǵyndarsyz álemdik úzdik jetistikterdi qoldanýǵa múmkindik berip otyrǵany aıtyldy. Sonyń ishinde sıfrlyq tehnologıalar men naqty eginshilik máselelerin de aıta ketken jón.

Qazaqstanda agrarlyq ǵylym «ǵylym – bilim berý – óndiris» qaǵıdasy boıynsha tyǵyz ózara árekettesý men birigýge baǵyttalǵan. Tıimdiliktiń naqtylanǵan kórsetkishteri men qolǵa alynǵan tehnologıalarmen jabdyqtaý otandyq bıznes úshin ekonomıkalyq shyǵyndardy aıtarlyqtaı qysqartyp, ónimdiligin arttyrýǵa múmkindik beredi.

Jıynnan soń qatysýshylar Qazaq eginshilik jáne ósimdik sharýashylyǵy ınstıtýtynyń egistiginde engizilgen jańa tehnologıalar nátıjesimen tanysyp shyqty.