Jýyrda ınternet jelisinen Almatyda «Alma Club-ynyń» ashylyp, sol jerde tegin qazaq tilinen sabaq beriletinin estigenimde qatty qýandym. Qazir qazaq tili - ózekti másele bolyp tur, ókinishke oraı tildi bilmeıtinder kópshilik. Qazaqstandaǵy eń alǵash til úıretý klýbynyń negizin qalaýshy Aman Kenjebaıuly myrzaǵa habarlasyp klýb jaıynda áńgime qozǵaǵan edim:
- Negizi osyndaı klýbty ashý baıaǵydan oıymda júr edi, Shyńǵys, Islam dostarymmen aqyldasyp, bir juma aıasynda iske asyrdyq. Qazaq tili ol - memlekettik til, kim ne dese de, biraq bolashaqta bári qazaqsha boldy. Sondyqtan bizdiń azamattar qınalmaı, qysylmaı qazaq tilinde sóıleýge daıyn bolý kerek. Kóbinese adamdar qate sóılep qoıamyn, aksentim bar dep uıalyp, qysylady, al bizdiń maqsatymyz – olarǵa anyq jáne aksentsiz qazaqsha sóıleýdi úıretý. Tildi múlde bilmeıtinderge basynan bastap oqytamyz, biz olardy qoǵamda qazaqsha sóıletýimiz kerek. Kóbinese qazaq nemese ózge ult ókili qazaq tilinde nashar sóılese oǵan orys tilinde jaýap bere salady, ol durys emes. Eger kerisinshe tildi bilmegendermen qazaq tilinde kóp sóılessek olarǵa jaqsy tájirıbe bolar edi. Eki oqytýshymyz bar, Eskendir jáne Iana degen jas mamandar. Jastary 23 jáne 25-terde. Eskendir aýdarmashy, polılglot. Iana zańger.
- Qimniń metodıkasyn paıdalanasyńdar?
- Qanat Tasybekovtyń metodıkasyn qoldanyp júrmiz.
- Qazir klýbtyń jaǵdaıy qalaı, qatysýshylar kóp pe?
Qazir kýrsqa 20 shaqty adam kelip júr, negizi habarlasyp jazylyp júrgen adamdar kóp. Kelem deýshilerge esik árdaıym ashyq.
- Alda osyndaı klýbtardy basqa da qalalarda ashý josparlaryńyz bar ma?
- Iá oı, josparlarymyz kóp, biraq ázirshe osy klýbty ósirip, damytqymyz keledi.
Jáne de men feısbýktaǵy paraqshalaryńyzdan «Alıbaba» kofehanasyda kitaphana bar ekenin oqydym, ol ne kitaptar? Jáne ol kitaphananyń ashylý maqsaty qańdaı?
-Ol jerde árbir qonaq otyryp kitap oqı alady, kóbinese tarıhı kitaptar, kóp qonaqtarymyz kitaptaryn syıǵa tartyp, tastap ketip jatady. Ájeptáýir kitap jınalyp qaldy. Qazir kitap oqıtyn adamdar az bolyp barady, maqsatymyz kitap oqýǵa qyzyǵýshylyqty arttyrý.
Mine osy Aman sıaqty elimizde tilimizdiń damýyna at salysyp júrgen erlerimizdiń eńbekteri jemisin berip, bolashaqta qazaq tilinde búkil azamttarymyz sóılep ketse, nur ýstine nur bolar edi.
suqbattasqan Qymbat Kereıbaı
