2018 jyly bilim berý granttaryn qazaq dıasporasynyń 862 ókili aldy, - dep habarlaıdy Tengrinews.kz. Sıpattamaǵa qaraǵanda, kvotalar Qazaqstan Respýblıkasy azamaty emes, etnıkalyq qazaqtarǵa bólingen. 

QR azamaty emes etnıkalyq qazaqtardyń eń joǵary baly 133 eken, mundaı kórsetkishke eki talapker qol jetkizgen. Olar "Jalpy medısına" jáne "Tasymaldaýdy uıymdastyrý jáne qozǵalysty uıymdastyrý" mamandyqtary boıynsha bilim alady.

Dıasporada eń tómengi bal 25 jáne 26. 25 bal jınaǵan túlek "Dene shynyqtyrý jáne sport" mamandyǵyna grantqa tústi. 26 bal alǵan talapker bolsa "Mektepke deıingi oqytý" mamandyǵyn tańdaǵan. Grant alǵandardyń qatarynda 27, 29, 31 jáne 33 bal jınaǵandary bar.

132, 129 jáne 128 bal alǵan birneshe túlek tis dárigeri mamandyǵyn tańdap otyr eken. 

Eske salaıyq, búgin bilim granty ıegerleriniń tolyq tizimi jarıalanǵan.