Almatyda «Demalysta ekeýimiz Almatyǵa jetermiz!» uranymen týrıser men Qazaqstannyń óńirlerinen kelgen qonaqtardy demalys kúnderi men kanıkýldaryn megapolıste ótkizýge tartý baǵytyndaǵy aýqymdy respýblıkalyq aksıa bastaldy.
Aksıa 5 negizgi baǵytty alǵa tartyp otyr: adam aıaǵy baspaǵan tabıǵat, oıyn-saýyq jáne túngi ómir, kórikti jerler, gastronomıa jáne saýda.
Bul saıahatqa shyǵý úshin Almatyny tańdaý múmkindigin alǵa jyljytýǵa baǵyttalǵan ekinshi aqparattyq tolqyn. Birinshisi qala turǵyndaryna arnalyp, «Qalańyzdy jaqsy bilińiz!» dep ataldy.
«Biz «Demalysta ekeýimiz Almatyǵa jetermiz!» sharasyn mamyr aıynyń sońynda iske qostyq, al ol qyrkúıek aıynda aıaqtalady. Bul kezeń kezdeısoq tańdap alynbady, óıtkeni jaz - demalystar men kanıkýl kúnderi. Buǵan qosa, ishki týrıserdiń 70% mamyr aıynan qazan aıyna deıin keledi.
Sonymen qatar, bul qala turǵyndarymen birge búkil qyrkúıekke sozylatyn Qala kúnin merekeleý úshin tamasha múmkindik.
Biz barlyq qazaqstandyqtardy elimizdiń ártúrli aımaqtarynan Almatyǵa kelýge shaqyramyz, barlyq ózgerister men jańalyqtardy tamashalaısyz, onyń ishinde Panfılov kóshesindegi ataqty jaıaý júrginshiler kóshesiniń boıymen serýendeısiz», - dedi Visit Almaty Týrısik aqparattyq ortalyǵynyń dırektory Kamıla Luqpanova.
Spıker túsindirgendeı, naýqan degenimiz kózge kórinerlik bezendirýden bastap týrısik ónimderge deıin keshendi is-sharalardy kózdeıdi.
«Almaty burynǵysynsha taý týrızminiń ortalyǵy, qarqyndy demalys, mádenıet, saýda jáne gastronomıalyq týrızm ortalyǵy bolyp tabylady. Bul shyn máninde biregeı oryn, munda barlyq tabıǵı aımaqtar úılesken: taýlar, kólder, dalalar, shólder. Mysaly, bizdiń óńirde «Altyn Emel» ulttyq saıabaǵy bar, ol óziniń marstaǵydaı taýlarymen jáne erekshe áýendetetin barqanymen erekshelenedi. Sondaı-aq bizde Kólsaı, Qaıyńdy, Esik, Úlken Almaty kólderi bar.
Bizdiń óńirde barlyq nárseniń ártúrliligi sonshama, bul tizimdi uzaq ýaqyt boıy jalǵastyrýǵa bolady. Sondyqtan biz qazaqstandyq týrıserdiń el ishinde tolyqqandy demalys ótkizgenin qalaımyz», - dep qorytyndylady K.Luqpanova.
Visit Almaty TAO – bul Almaty qalasynyń Týrızm jáne syrtqy baılanystar basqarmasy janynda qurylǵan aqparattyq ortalyq, ol týrısterge Almaty jáne Almaty aglomerasıasynda ýaqyt ótkizý múmkindikteri týraly aqparatty kúndelikti usynady. Ortalyqtyń mindetteri – týrısik ónimderdi halyqaralyq jáne ishki naryqtarda alǵa jyljytý. Visit Almaty jumysynyń mańyzdy bóligi týrısik áleýetti alǵa jyljytý jónindegi jobalardy júzege asyrý, reıtıńter, óńirdiń básekege qabilettiligi jáne týrızmniń damý múmkindikteri taldaýyn júrgizý, sondaı-aq osy salada zertteýler júrgizý bolyp tabylady.
