Qytaıdyń senzýralyq komıteti Dısneıdiń áıgili múltfılm hıkaıasy «Winnie the Pooh»-tyń (Aıý Winnie) beıimdelgen «Christopher Robin» fılmine tyıym saldy. Opozısıa prezıdent Sı Szınpınge uqsatqan Winnie the Pooh Qytaıda jyldar boıy shektelgen.
Sı alǵash ret 2013 jyly sol kezdegi AQSH prezıdenti Barak Obamen kezdesken AQSH saparynda Dısneı keıipkerine uqsatylǵan.
A bear, however hard he tries, Falls foul of Chinese censors' eyes https://t.co/ToOCHHZT7I pic.twitter.com/8H9ITqIc1M
— Financial Times (@FT) July 16, 2017
İri deneli talpaq Sı men uzyn boıly Obamanyń birge túsken fotosymen Winnie the Pooh jáne Qabylan Tigger-diń 100 gektar Ormanyndaǵy júrisi arasynda uqsastyq kóringen.
Keıinirek Sıǵa qarsy kózqarastaǵylar úshin Winnie the Pooh Sıǵa qarsy qoldanylǵan bir sımvolǵa aınaldy. Bulaı uqsatý áleýmettik jelide beleń alǵan soń Senzýralyq komıtettiń sheshimimen tyıym salynyp, tolyqtaı óshirilgen.
Qytaı tipti ótken aıda parodıst Djon Olıverdiń Sıdyń Winnie the Pooh qyryn taqyryp etken ázil-syqaǵynan keıin baǵdarlamany kórsetken AQSH-tyń HBO kanaly saıtyna shekteý qoıǵan.
Global Risk Insights dep atalatyn halyqaralyq Táýekelderdi taldaýdy uıymy bir áskerı sharada taǵy Aıý Ýınnege uqsatylǵan Sı beınelengen kollaj 2015 jyly memlekette eń kóp senzýraǵa túsken fotosýret boldy deıdi. Atalǵan uıym Qytaı prezıdentiniń múltfılm keıipkerine uqsatylýyn Qytaı prezıdent ákimshiligi Sı Szınpındi bedelden aıyrýǵa baǵyttalǵan eleýli shabýyl retinde qaraıtynyn málimdegen.
Qytaı jyl saıyn tek 34 sheteldik fılmge ruqsat etedi. Sondyqtan AQSH jáne basqa elderde jasalǵan fılmder Qytaı naryǵyna kire almaıdy dep jazady BBC. Christopher Robin Qytaıda bıyl senzýraǵa túsken ekinshi Dısneı fılmi bolyp otyr. Buǵan deıin qytaı Wrinkle in Time atty fılmge de tyıym salǵan.
Qytaı Álemdegi eń qatań senzýra qoıatyn el bolyp tabylady. 2016 jyldyń qarashasynda Qytaı halyq respýblıkasy áleýmettik jelilerde Koreı Halyq Demokratıalyq Respýblıkasy prezıdenti Kım Chen Ynmen fızıkalyq erekshelikterine, jeke basyna baılanysty mazaq pen ázil aıtylýyna tyıym saldy. «Kım – úshinshi semiz» sózine resmı senzýralyq shekteý keldi.
