Keshe Fransıanyń Alpy taýynda apatqa ushyraǵan Airbus A320 ushaǵynda qaza bolǵandardyń qatarynda Qazaqstannyń týmasy, áıgili opera ánshisi Oleg Bryjak bar. Bur týraly "Qamshy" portaly "Blid" basylymyna silteme jasaı otyryp habarlaıdy.
"Dússeldorftaǵy "Dýısbýrg" nemis Operasy teatrdyń bas-barıtony Oleg Bryjaktyń qazasyna qaıǵyryp kóńil aıtady. Ol Barselonadan Dússeldorfqa baǵyt alǵan U49525 reısinde bolǵan. Resmı málimette ushaqta bolǵandardyń túgel qaza bolǵandyǵy aıtylǵan" ,-deıdi óziniń Twitter paraqshasynda nemis jýrnalısi Gonne Garlıng. Al "Dússeldorf" nemis opera teatry basshylyǵy Oleg Bryjaktyń qaza bolǵandyǵyn rastaǵan. "Biz ózimizdiń ǵana emes, álemdik operadaǵy uly ánshi, úlken daýys ıesinen, Oleg Byryjaktan aıyrylyp qaldyq",-deıdi teatr dırektory Krıstof Maıer.
Oleg Byryjak - 1960 jyly Qazaqstanda týǵan. Qaraǵandy memlekettik mýzykalyq ýchılıshesin támamdaǵan soń Oleg Almatydaǵy koservatorıada jeke vokal klasynan sabaq alady. Koservatorıany aıaqtaǵan soń Jezqazǵan, Temirtaýdaǵy mýzykalyq ýchılıshede sabaq bergen. Sondaı-aq, Oleg Chelábınskidegi, Lvovtaǵy, Sankt-Peterbordaǵy mýzykalyq akademıalarda oqytýshy bolyp qyzmet atqarady. 1996 jyldan bastap nemistiń "Dússeldorf" opera teatryna aýysady.
Operada úlken jetistikterge jetken Oleg sonaý Parıj, Súrıh, Bonn, Keln, Shtýtgart, Núrnberg, Gambýrg, Berlın, Drezden, Múnhen, Tokıo, London, Amsterdam, Praga, Chıkago, Strasbýrg, Los-Andjeles, Berlın, Madrıd sahnalarynda án shyrqaǵan.
Ol óziniń sońǵy suhbattarynyń birinde, (Deutsche Welle ) "Men Ýkraınany, Reseıdi jáne týǵan jerim aıaýly Qazaqstandy súıemin. Men ultaralyq teńsizdik degen sózdi jek kóremin",degen bolatyn.
Eske sala keteıik, keshe Barselonadan Dússeldorfqa baǵyt alǵan Airbus A-320 ushaǵy Fransıanyń Alpy taýynda apatqa ushyraǵan bolatyn. Bortynda 154 jolaýshy bolǵan, olardyń 6-sy ekıpaj músheleri.
Sońǵy derekkózderinde apatqa ushyraǵan ushaqta Germanıa, Fransıa, Ispanıa, Nıderlandy, Reseı, Túrkıa, Japonıa jáne Kolýmbıa azamattyra bolǵan. Al apattan tiri qalǵandar týraly naqty aqparat joq.
Al keshe QR Prezıdenti Nursultan Ábishuly Ispanıa koróldigine qazaǵa ortaqtasyp, kóńil aıtý jedel hatyn joldady.
Nurzat Toǵjan
