Bul týraly 2018-2019 oqý jylyna daıyndyq týraly baspasóz máslıhatyn ótkizgen QR Bilim jáne ǵylym mınıstri Erlan Saǵadıev málimdedi, dep habarlaıdy  Qamshy.kz aqparat agenttigi Baq.kz-ke silteme jasaı otyryp.

"Mınıstrlik óz tarapynan pedagogtar toltyrýǵa tıis qujattardyń tizbesin alǵash ret bekitti. Ol tek 5 qujat, odan basqa muǵalimderden eshqandaı esep, eshqandaı qaǵaz suralmaýy tıis. Jańa oqý jylynan bastap UBT-ǵa qatysý mindetinen muǵalimderdi bosatý talqylanýda. Mınıstrlik ony qoldaıdy. Muǵalim tek sapaly bilim berýmen aınalysýy kerek. Mektepterdiń UBT boıynsha reıtıńin de alyp tastadyq" - deıdi mınıstr.

Sonymen qatar mınıstr ustazdarǵa tólenetin jalaqy jáne atestattaý boıynsha qandaı jumystar júrgizilip jatqandyǵy týraly aıtty.

"Barlyqtaryńyz bilesizder, jańartylǵan bilim berý mazmuny boıynsha sabaq beretin 205 myń (67%) muǵalimniń jalaqysy 30%-ǵa kóbeıdi. Jáne bıyl pedagogtardy atestattaýdyń jańa júıesi engizildi. Ol biliktilik sanattary úshin laýazymdyq jalaqyǵa 30-dan 50%-ǵa deıin qosymsha ústemaqyny qarastyrady. Atestattaýǵa mamyr aıynda 60 myńǵa jýyq muǵalim qatysyp, olardyń ishinen 36 myńnan astamy attestasıadan ótti. Olar 63%-dy qurady. Osy jyldyń qyrkúıek aıynan bastap jańa attestasıa tártibinen ótken muǵalimderge kategorıalaryna sáıkes qosymsha aqy tólenedi" - dedi Erlan Saǵadıev.

Mınıstrdiń aıtýyna qaraǵanda ustazdardy tegin kýrspen qamtamasyz etý máselesi de durys jolǵa qoıylǵan.

"Bıylǵy jyly 110 myńnan astam pedagog respýblıkalyq búdjet esebinen biliktilikti arttyrý kýrstarynan ótýde. 8 myńnan astam pán muǵalimi jeke pánderdi aǵylshyn tilinde oqytý úshin tildik kýrstarda oqyp jatyr. Olardyń 5 myńǵa jýyǵy osy oqý jylynan bastap sabaq berýge kirisedi. «Ustaz» ortalyǵy barlyq óńirlerde aǵylshyn tilinde sabaq bere bastaıtyn tórt jarym myńnan astam muǵalim úshin mentorlyq arqyly qoldaý jasaıdy. Bir jyl boıy bul muǵalimderdi tolyǵymen qoldap, úıretip, sabaqtaryna qatysyp, naqty kómek kórsetiletin bolady" - deıdi ol.