Qyrkúıek aıynyń 12 juldyzynda Ortalyq komýnıkasıalar qyzmeti alańynda Astana Art Show  ótkizilýine qatysty baspasóz konferensıasy ótti dep habarlaıdy Astana Art Show baspasóz qyzmeti usynǵan derekti negizge ala otyryp.

15 qyrkúıek – 28 qazan aralyǵynda Elordada Astana Art Show ótedi. Astana Art Show zamanaýı Qazaqstannyń Beıneleý óneri Halyqaralyq Bıennalesiniń negizgi sharasy bolyp tabylady jáne onyń aıasynda úsh kórme ótedi.

İs-sharanyń alǵashqy taqyryby - «Metamorphosis». Joba qatysýshylary – tolyq jetilgen jáne shetelde attary tanymal bolǵan qazaqstandyq jas sýretshiler.

20-dan astam sýretshi halyqaralyq iri kórmelerge qatysqan jáne shoýǵa arnaıy daıyndalǵan eńbekterin usynady.

Kórme qatysýshylarynyń arasynda tanymal japondyq fotograf, «Men Oblomov» belgili avtoportret serıasynyń avtory – Ikýrý Kývadjıma bar. Sondaı-aq, kórkem ónerdi qadirleýshi elordalyqtardyń nazaryna óz jumystaryn Londonda aty shyqqan qazaqstandyq Aza Shádenova usynady. Al jas sýretshi Ádil Áýbekerov Astana turǵyndary men qonaqtaryn qala ǵımarattarynyń biriniń qasbetine salynǵan jańa art-nysanmen qýantady.

Sýretter men ınstallásıalardy kelýshiler TSE Art Destination galereıasynda jáne onyń aınalasynda tamashalaı alady.

Metamorphosis-pen qatar, Ortalyq Azıa elderi men Qazaqstannyń 16 jas sýretshisiniń shyǵarmashylyǵyna arnalǵan «Qaıta júkteý. Keńistikti ońtaılandyrý» kórmesi ótedi.

«The Ghost Expedition» atty úshinshi kórmesiniń uıymdastyrýshylary – Eýropalyq Odaq. Joba sheńberinde qazaqstandyq jáne eýropalyq sýretshiler toby Mańǵystaý oblysynyń kıeli oryndaryn zertteý barysynda kórkem jumystarynyń nátıjelerin usynady. 

Sondaı-aq, joba aıasynda tanymal sýretshilerdiń jarıa dáristeri, sheber-synyptary men kýratorlyq ekskýrsıalary ótedi.

Astana Art Show ashylýynda is-sharanyń arnaıy qonaqtary – álemge áıgili mýzykant Benjamin Skepper (Melbýrn, Avstralıa) óner kórsetedi. Benjamin Skepper – kórkem mánmátinde zamanaýı tehnologıalar men ǵylymı ınovasıalardy qoldana otyryp, jańa eksperımenttik mýzykalyq shyǵarmalarjazatyn mýzykant, jáne Orynbor oblysy, Orsk qalasynyń týmasy, áıgili bıshi Ársen Imenov.

Astana Art Show kórmesiniń resmı ashylýy 15 qyrkúıekte saǵat 19:00-de TSE Art Destination galereıasynda ótedi. Kirý tegin.