Áleýmettik jelide jedel járdem júrgizýshisine qol kótergen Túrkıa azamatynyń keshirim suraǵan vıdeosy taraldy, dep habarlaıdy Qamshy.kz aqparat agenttigi.

«Men Túrkıa azamaty Alı Demır, 18 qyrkúıekte Naýryzbaı batyr men Maqataev kósheleriniń qıylysynda bolǵan oqıǵa úshin qazaqstandyqtardan keshirim suraımyn. Jedel járdem júrgizýshisi Nıkolaı Kýchmadan keshirim suraımyn. Qatemdi moıyndaımyn. Dál sol kúnderi kúızeliste júrgen edim. Munyń sebebi – urlanǵan kólik. Bul resmı qujattarda tirkelgen. Árıne, meniń áreketimdi aqtap alatyn syltaý emes. Qazaqstan halqynan túsinistik tanytýyn suraımyn. Er adamnyń ómirinde túrli jaǵdaı bolady. Men 5 aılyq qyzdyń ákesimin, áıelim bar. Olar Qazaqstan azamattary. Meniń jumysym da Qazaqstanda. Jeti jyl boıy osynda turamyn. Meniń qateligim úshin otbasym qınalmasa eken deımin. Sol sebepti otbasym úshin túsinistikpen qarasańyzdar eken. Taǵy da barsha qazaqstandyqtar men júrgizýshiden keshirim suraımyn», - dedi Túrkıa azamaty vıdeo joldamada.  

Alı Demır kepilge bosatyldy, sot úkimin kútip otyr.

Ózge ult ókiliniń azamaty jedel-járdem júrgizýshisin soqqyǵa jyqqan vıdeo áleýmettik jelide taraldy. Anyqtalǵandaı oqıǵa Almaty qalasyndaǵy Maqataev kóshesinde bolǵan.

Almaty qalasy İİD málimetinshe, júrgizýshini uryp-soqqan jigit 1990 jylǵy túrik azamaty. Júrgizýshiniń beti jaraqattalyp, qabaǵy jarylǵan. Oqıǵadan keıin aýrýhanaǵa jetkizildi.

«Oqıǵa Maqataev kóshesinde bolǵan. Júrgizýshiniń beti-aýzy qan-josa. Esimi – Nıkolaı, shamamen 60 jasta. Jedel járdemde jumys istep jatqanyna uzaq ýaqyt bolǵan», - dep habarlady vedomstvoda.

Al ustalǵan er adam 1990 jyly týǵan Túrkıa azamaty. Oǵan qarsy QR Qylmystyq kodeksiniń 1-bap 293 bóligi («Buzaqylyq») boıynsha qylmystyq is qozǵaldy.