Psıhologıaǵa qyzyǵatyn jandar Lýıza Heı degen esimdi jaqsy tanıdy. Motıvasıany maı shammen izdep júrgender de túbinde Lýıza Heıdiń jazǵandaryn sholyp ótedi. Tán azabynan buryn jan azabyn tartyp júrgenimiz kóp bolǵandyqtan Lýıza Heıdiń kitaptaryn jaı ǵana kózben shalyp ótpeı, kóńilge toqyp, sanaǵa túıip, on ret qaıtalap oqý qajet sıaqty. «Qamshy» jaqsylyqtyń jarshysy bolǵysy keledi. Sondyqtan da jazýshy Myrzageldi Kemeldiń aýdarmasyndaǵy Lýıza Heıdiń «Kógildir kitabyn» birneshe bólimge bóle otyryp, turaqty túrde oqyrmannyń nazaryna usynyp otyrýdy jón dep sheshti. Birinshi, ekinshi, úshinshi bólimder saıt betinen shyǵyp úlgergen bolatyn. Endigi kezek tórtinshi bólimde. Atalmysh bólim tánimizdegi aýrýlardyń paıda bolý sebebine arnalǵan. Qaterli isikti nebári 6 aıda jeńip, barsha dárigerlerin tań qaldyrǵan, 2017 jyly 91 jasynda aýyrmaı-syrqamaı kóz jumsaǵan Lýızanyń oqıǵasy jigerin jasytyp alǵan jastarǵa úlgi bolsyn deımiz.
İİ taraý. Óz tánińdi emde
(tán aýrýynyń psıhologıalyq sebepteri jáne ony jeńýdiń metafızıkalyq joldary)
Naq osy sáttegi kúsh alý núktesi
Kúsh alý núktesi bizdiń sanamyzda – osy jerde jáne qazir qatysyp tur. Jáne, ol, bizdiń oılarymyzdyń teris bolǵanyna, bizge kesel kelgenine, tóńiregimizdegilermen qatynasymyz buzylǵanyna, aqshanyń taýsylǵanyna, ózińdi-óziń jek kóre bastaǵanyńa baılanyssyz, ózgeristerdi bastaý eshqashan kem emes. Bul ýaqytqa deıin bizdiń ómirimiz ben tájirıbemiz bizdiń basymyzda turǵan oılar arqyly qurylǵan, biz ol oılardy udaıy paıdalanyp júrgenbiz. Sóıtkenmen bul oılar ótkenniń enshisinde, bul máreden biz ótip kettik. Bizdiń búgingi, naq osy sáttegi oılarymyz ben sózderimizden bizdiń erteńimiz, arǵy kúnimiz, odan arǵy kúnimiz, kelesi apta, aı, jyl, t.t. baılanysty. Salmaq núktesi qashanda osy sátte tur. Qazir, mine, osy sátte biz óz ómirimizdi ózgertýdi bastadyq. Qandaı jeńildetetin oı! Biz ózimizdiń burynǵy sanasyzdyǵymyzdan arylýdy bastaı alamyz. Tap qazir. Tipten kishkene ǵana bastapqy qadam sheshýshi bolyp ketýi múmkin.
Bala kúnińizde siz taza kóńil men mahabbattyń ózi boldyńyz. Siz ózińizdiń mańyzdylyǵyńyzdy sezinip, ózińizdi Keńistiktiń ortasy dep sezindińiz. Sizde erjúrektik mol bolatyn, siz ózińizge ne kerek bolsa, sony talap ete aldyńyz jáne siz óz sezimińizdi ashyq bildire aldyńyz. Siz óz tánińizdi súıdińiz, onyń árbir múshesin súıe bildińiz. Siz ózińizdi ábden jetilgen dep sanadyńyz. Ómir shyndyǵy da naq solaı bolatyn.
Siz myna sózderdi kóp aıtasyz ba: “Mine, men qandaı adammyn” nemese “Bul solaı, oǵan eshteńe jasaı almaısyń”. Shyn máninde biz “ózimizge shyndyq sekildi bolyp kóringen” nárseni aıtamyz. Ádette bizdiń senimimiz – ol ózge adamdardyń biz qabyldaǵan jáne bizdiń óz kózqarasymyz júıesine kirgizip qoıǵan pikiri. Eger bizdi balalyq shaǵymyzda: bul ómir – tunyp turǵan qıyndyq dep úıretti desek, onda biz osy pikirmen sáıkes kelgen oıǵa udaıy senemiz de, ony ózimiz úshin aqıqat dep qabyldaımyz. “Beıtanys adamdarǵa senbe”, “túnde úıden shyqpa”, “adamdar seni aldap ketedi”, t.s.s. sózder Sizge zıan. Odan da bizdi jas kezimizden: “barlyq jerde – mahabbat”, “adamdar qandaı meıirimdi”, “maǵan aqshanyń kelýi op-ońaı” degen senim bolǵan bolsa, ol bizdiń ómirimizdi nurlandyrar edi. Biz óz senimimizdiń aqıqat ekendigine óte sırek kúdiktenemiz. Mysaly, men ózimnen: “Maǵan oqý qıyn ekenine nege senemin? Bul shyn máninde solaı ma? Bul osy qazir maǵan qatysty durys pa? Mende bul senim qaıdan paıda boldy? Bul sózge men ozat ustaz solaı degen soń senip júrmin be? Osyǵan senýdi toqtatqan durys emes pe edi?, - dep suraı alar edim.
Naq osy sátte sizdiń basyńyzǵa kele qalǵan oıdy toqtatyńyzshy. Siz ne týraly oıladyńyz? Eger barlyǵy oı oılaýǵa baılanysty bolsa, siz bul oıdyń oryndalýyn qalar ma edińiz? Al eger onda qobaljý men ashý, aýyrsyný men ósh alý bolsa, onda ol oı sizge qaı kúıinde qaıta oralar edi, qalaı oılaısyz? Eger biz shat ómir keshkimiz kelse, onda bizdiń oılarymyz da jarqyn bolýy kerek. Bizden oı jáne sóz túrinde ne shyqsa, ol sol kúıinde bizge qaıtyp oralady.
Óz sózińizge qulaq salyp kórińiz. Eger bir oı sizge úshinshi ret qaıta oralsa, ony jazyp qoıyńyz. Bulaı bolýy, sizdiń oıyńyz siz úshin úlgi bolyp qalǵanyn kórsetedi. Apta sońynda jazyp qoıǵan oılaryńyzdyń tizbegin qarap shyqsańyz, sózderińiz sizdiń ómirińizdegi oqıǵalarǵa qaı dárejede sáıkes keletinin kóresiz. Óz oılaryńyz ben sózderińizdi ózgertýge daıyn bolyńyzshy, sonda sizdiń ómirińiz qanshalyqty ózgeretinin baqylaı alasyz. Sózder men oılardy tańdaýdy baqylaý arqyly óz ómirińizdi baqylaý múmkin. Óıtkeni, sizdiń aqylyńyzdy sizden basqa eshkim paıdalana almaıdy.
Psıhologıalyq almasý: ómir obrazyn qalyptastyratyn oı obrazy
Bizdiń ómirimizdegi barlyq jaqsy nárseler de, barlyq jaman nárseler de – bul bizdiń oılaný obrazymyzdyń saldary, ol bizdiń ómirimizde ne bolyp jatsa, soǵan áser etedi. Ómirimizdegi barlyq jaqsy jáne ozyq nárseler bizde kóptegen stereotıp oılar kóp bolǵandyqtan. Bul bizdi qýantady. Al teris oılaý stereotıpi qolaısyz, zıandy nárselerge alyp keledi jáne ol bizdi oılantady. Bizdiń maqsatymyz – ómirdi ózgertý, barlyq keseldi jáne qolaısyz nárseden arylý, sóıtip denimizdiń qulan-taza bolýy.
Biz qaısybir teris oılaý stereotıpi arqyly bizge jan-jaqty áser etý tap keletinine kózimiz jetti, sol arqyly solaı áser etý saqtalady. Bizdiń turaqty stereotıpimiz – naqty jaǵdaıdy jasaıdy. Budan shyǵatyn qorytyndy: stereotıpti ózgertý arqyly biz naqty jaǵdaıdy ózgerte alamyz.
“Metafızıkalyq sebeptilik” degen termınmen alǵash ret ushyrasqanymda qandaı qýandym. Ol bizdiń naqty jaǵdaıymyzdy týǵyzatyn sózder men oılardyń kúshin anyqtaıdy. Men úshin jańa osynaý bilim oılaý minezi, dene músheleri jáne tán saýlyǵy máseleleriniń araqatynasyn túsinýge alyp keldi. Men olaı bolýyn qalamaı-aq, ózime osy aýrýdy shaqyrǵanymdy jáne bul jańalyq meniń búkil ómirimdi ózgertkenin túsindim. Budan soń meniń ózimniń tánı jáne rýhanı qıyndyq kórýimde ómirdiń ózin nemese ózge adamdardy aıyptaý joıyldy. Endi men óz densaýlyǵym úshin barlyq jaýapkershilikti ózim ala alatyn boldym. Ózimdi eshteńede aıypty demeı-aq, men bolashaqqa jáne tán densaýlyǵyn buzýǵa aparatyn oılardan qalaı qashyp qutylý kerektigin oılaı bastadym.
Mysaly, men jelke tusymdaǵy bulshyq etterdiń qatyp qalýynan qanshama ret qınalǵanymdy eshýaqytta túsinbeppin. Sóıtsem, moıyn máselege qaraýdaǵy jumsaqtyqty, máseleniń sheshilýine jan-jaqty qaraý qajettigin kórsetedi eken. Al, men, qashan bolsa da jumsaq bola almappyn, daýly máselege meniń oponentimniń kózimen qaraýǵa qorqady ekem. Ózimde jumsaq oılaýdy damyta júrip, men ózgeniń pikirine úlken mahabbatpen jáne túsinistikpen qaraýdy úırendim, sonda meniń moınymnyń aýyrǵany qoıyp ketkenin baıqadym. Qazir, men, moınym kishkene qataıa bastasa, meniń oılarym qatýlanyp jáne qaıtpaıtyndaı bolyp ketpedi me eken, teksere bastaımyn.
Oılaý stereotıpiniń eskilerin aýystyrý
Bir jeriń aýyrsa, odan úzildi-kesildi jazylý úshin biz onyń psıhologıalyq sebepterinen qutylýymyz kerek. Biraq sebep nede ekenin bilmegendikten, neden bastaý kerektigin de anyqtaý qıyn. Eger siz: “Osy aýrýdyń sebebin bilsem, shirkin!” dep aıta alsańyz, onda osy kitap sizge sebepti tabýǵa jáne tán men jan saýlyǵyn jaqsartatyn jańa oılaý stereotıpin jasaýǵa kilt bola alar edi.
Bizdiń árbir keselimizde ózimizde qajettilik bar ekenin men túsindim. Olaı bolmaǵanda kesel de bolmaǵan bolar edi. Kesel belgileri – ol tek keseldiń kózge kórinip turǵan jaǵy ǵana. Bizge tereńirek úńilip, onyń psıhologıalyq sebebin joıý kerek. Sondyqtan da jiger men tártip bul jerde álsiz-áldi keseldiń tek syrtqy kórinisterimen ǵana kúresedi. Ol – aramshópti julǵanda tamyryn qaldyryp qoıǵanmen birdeı. Sondyqtan jańa oılaý affırmasıalarymen jumysty bastar aldynda, temeki tartý, bas aýrýy, artyq salmaq sekildi nárselerden qutylý nıetin ornyqtyrý kerek. Eger ishki qajettilik bolmasa, syrtqy qalaý da qurıdy. Tamyrsyz ósimdik solady.
Tándegi keselderdiń kóbisin shaqyratyn psıhologıalyq sebepter – urynshaqtyq, ashý, ókpe jáne aıypty seziný. Eger, máselen, adam synaýmen uzaq aınalyssa, onda artrıt keseli paıda bolady. Ashý shaqyra berý aǵzanyń ysyp-sýyı berýine alyp keledi, ol - zıandy. Uzaqqa sozylǵan ókpe tándi ishten jeıdi de qaterli isik paıda bolady. Óz aıybyn seziný tereńdeı berse keselge ushyratady. Den saý kezde teris oılaý stereotıpterin basyńnan shyǵarý anaǵurlym ońaı, al kesel kelgende adamda qobaljý ulǵaıady da, ondaı oılardy qýý qıyndaıdy.
Myna tómendegideı psıhologıalyq ekvıvalentter tizimi meniń emdelýshilermen bolǵan jumys nátıjesinde paıda boldy. Óz tánińdi emdeýge járdem bererlik qarapaıym tásil retinde bul tizimdi men sizderge mahabbatpen usynamyn:
|
Problema: |
Múmkin bolǵan sebebi: |
Jańa tásil: |
||
|
Alkogolızm |
Dármensizdik, aıypty seziný, óz tulǵasyn qabyldaı almaý |
Men búgingi kúnmen ómir súremin. Onyń árbir sáti jańalyq ákeledi. Men ózimniń qundylyǵym nede ekenin bilgim keledi. Men ózimdi súıemin jáne óz áreketterimdi maquldaımyn. |
||
|
Alergıa |
Bireýge tóze almaý. Óz kúshin teriske shyǵarý |
Ómir qaýipti emes, ol – dos. Maǵan eshqandaı qaýip tónip turǵan joq. Mende ómirmen kelispeýshilik joq. |
||
|
Angına |
Dóreki sózderge barmaý. Ózin kórsete almaý sezimi |
Barlyq shekteýlerdi alyp tastaımyn jáne ózimmen-ózim bolý erkindigine ıe bolamyn. |
||
|
Anemıa |
Ózin kem sanaý. Qýana bilmeý. Ómir aldyndaǵy qorqynysh. |
Meniń ómirimniń barlyq salasyndaǵy qýanysh sezimi maǵan paıdaly. Men ómirdi súıemin. |
||
|
Apatıa |
Sezimderge qarsy turý, olardy tejeý. Qorqynysh. |
Seziný – qaýipsiz. Ómir synaqtarynan ótkim keledi. |
||
|
Artrıt |
Meni súımeıdi degen sezim. Syn, ókpe. |
Men mahabbattyń ózimin. Endi men ózimdi súıetin bolamyn jáne ózimniń isterimdi maquldaımyn. Men ózge adamdarǵa mahabbatpen qaraımyn. |
||
|
Astma |
Óz ıgiligi úshin tynys ala bilmeý. Eńseniń túsýi. Eńirep jiberýdi ustap qalý. |
Endi maǵan óz ómirimdi óz qolyma alýyma bolady. Men bostandyqty qalaımyn. |
||
|
Ateroskleroz |
Qarsylyq. Shıryǵý. Tutas topastyq. Jaqsyny kórýden bas tartý. |
Men ómirge jáne qýanyshqa ashyqpyn. Men budan bylaı barlyǵyna mahabbatpen qaraımyn. |
||
|
Belsizdik |
Qorqynysh pen ómir prosesine qarsylyq nemese urpaq jalǵastyrýǵa qajetsizdik |
Men ómir jalǵasatynyna senemin. Qajetti isti, qajetti kezinde jasap, qajetti jerden tabyla alamyn. Men ózimdi súıemin jáne maquldaımyn. |
||
|
Uıqysyzdyq |
Qorqynysh. Ómir prosesine senbeý. Aıyptylyq sezimi. |
Bul kúndi mahabbatpen qoıa beremin de tynysh uıqyǵa kóshemin. Erteńgi kún ózi úshin ózi ýaıymdasyn. |
||
|
Jynys keselderi |
Men ózimniń seksýaldylyǵymdy jáne onyń kórinisterin rahattana qabyldaımyn. Men ózimdi qoldaıtyn jáne kóńil-kúıimdi jaqsartatyn oılardy ǵana qabyldaımyn.
|
Seksýaldyq negizdegi aıyptylyq sezimi. Jaza alǵysy kelý. Jynys músheleriniń taza emes jáne kúnáhar ekenine senimdilik.
|
||
| Gangrena |
Psıhıkanyń sezimtaldyǵy. Qýanyshtyń jaısyz oılarǵa almasýy. |
Budan bylaıǵy meniń oılarymnyń bári – úılesimdi, jáne qýanysh maǵan qaraı erkin aǵylýda.
|
||
|
Gepatıt
|
Qorqynysh, ashý, jek kórý. Baýyr – ashý men shekten shyǵa renjýdiń uıasy. |
Meniń sanam taza jáne erkin. Men ótkendi umytamyn jáne jańaǵa bet alamyn. Barlyǵy jaqsyǵa bolady.
|
||
|
Mıgren |
Zorlaǵanǵa degen jek kórýshilik. Ómir aǵysyna qarsylyq. Seksýaldyq qorqynyshtar. |
Men jaıbaraqattanamyn jáne ómir aǵysyn baqylaımyn. Al ómir meniń jeńil jáne tıimdi jaǵdaıymdy qamtamasyz etsin. |
||
|
Tumaý |
Qorshaǵan ortanyń nashar qabaǵyna, teris nıetterge áseri. Qorqynysh.
|
Men jalpylaı senimder men erejelerden bıikpin. Men syrtqy áserden erkin bola alatynyma senimdimin. |
||
|
Depressıa |
Óz pikirińiz boıynsha, ózińiz sezinýge quqyǵyńyz joq ashý. Úmitsizdik. |
Men ózge adamdarda bar qorqynysh pen shekteýlilik sheńberinen shyǵamyn. Men óz ómirimdi quramyn. |
||
|
Balalar keselderi |
Boljaýlar men oıdan shyǵarylǵan erejelerge sený. Eresekter ózderin bala sıaqty kóredi. |
Bul balada Qudaılyq qorǵanysh bar, ony mahabbat qorshap tur. Biz onyń psıhıkasyna ózge áserler jasalmaýyn talap etemiz. |
||
|
Dıabet |
Oryndalmaı qalǵan iske ókinish. Baqylaýda bolýǵa erekshe qulshynys. Tereń ýaıym. Eshqandaı jaǵymdy nárse qalǵan joq. |
Osy sát qýanyshqa toly. Men búgingi ómirimniń táttiligin sezine bastadym. |
||
|
Sary aýrý |
İshki jáne syrtqy kúni buryn pishilgen oı. Birjaqty qorytyndylar. |
Men ózimdi qosa alǵanda barlyq adamdarǵa tózimmen, janym ashı jáne mahabbatpen qaraımyn. |
||
|
Óttegi tas |
Ashshy dám. Aýyr oılar. Qarǵys. Órkókirektik. |
Ótkennen qýanyshpen bas tartýǵa bolady. Ómir ǵajap, men de. |
||
|
Áıelder keselderi
|
Ózińdi qabyldaı almaý. Áıeldik minezderden bas tartý. Áıeldik minez prınsıpterinen bas tartý. |
Men áıel ekenime qýanamyn. Men áıel bolýdy jaqsy kóremin. Men óz denemdi jaqsy kóremin. |
|
|
|
Tutyǵý
|
Senim selkeýligi. Ózin kórsete alarlyq múmkindiktiń bolmaýy. Jylaýǵa tıym salatyndar bar. |
Men ózimdi-ózim erkin qorǵaı alamyn. Men budan bylaı ózim ne qalaıtynymdy sezdire alamyn. Mende tek mahabbat sezimi ǵana bar. |
|
|
|
Qyshyma |
Minezge qarsy júrýdi qalaý. Qanaǵattanbaýshylyq. Ókiný. Sıtýasıadan shyǵýǵa umtylý.
|
Men qaıda bolsam da maǵan tynysh. Men ózimniń qalaǵanymnyń bári bolatynyn bilgendikten, ózimdegi bar jaqsylyqty qabyldaımyn. |
|
|
|
Qyjyl |
Qorqynysh. Qorqynysh. Qorqynysh. Qorqynyshtyń qysymy.
|
Men keýdemdi kere dem alamyn. Men – qaýipsizdiktemin. Men ómir prosesine senemin. |
|
|
|
Belsizdik |
Seksýaldyq qysym, qolaısyz seziný, aıyp sezimi. Áripteske yzalaný.
|
Budan bylaı men ózimniń tolyq seksýaldyq qanaǵattaný prınsıpterime jeńil jáne qýanyshpen erik beremin. |
|
|
|
Infeksıa |
Titirkený, ashý shaqyrý, qapalyq.
|
Men budan bylaı beıbitshil jáne jan-jaqty jetilgen tulǵa bola bastaımyn. |
|
|
|
Omyrtqanyń maıysýy |
Psıhıkanyń álsireýi men tynyshsyzdyq. Sińirler qımyly shaban. Sananyń shabandaýy.
|
Men ómirdi keýdemdi kere qabyldaımyn. Men jaılanamyn jáne ómir aǵysy men prosesine eremin. |
|
|
|
Larıngıt |
Ashý aıtýǵa jibermeıdi. Qorqynysh
|
Men neni suraǵym kelse suraýǵa eshkim kedergi bolmaıdy. Men aıtatynym dy aıtýǵa tolyq erkindik-temin. Meniń janym tynysh. |
|
|
|
Leıkemıa |
Shabyt basyp tastalady.
|
«Bul kimge kerek»? Men burynǵy shekteýlilikten shyǵyp, búgingi kúnniń erkindigin qabyldadym. Ózimmen-ózim bolý qaýipsiz. |
|
|
|
Jatyr |
Shyǵarmashylyq hramynyń sımvoly.
|
Denemniń ishinde ózimdi erkin sezinemin. |
|
|
|
Menıngıt
|
Oıdyń qabynýy jáne ómirge yza. |
Men taǵylǵan aıyptardyń bárin umytamyn jáne tynyshtyq pen ómirdiń qyzyǵyn qabyldaımyn. |
|
|
|
Jótel
|
Kómekke shaqyrý. İshki óksik. |
Men ózime jaǵymdy bolatyndaı etip ózimdi jubatamyn jáne súıemin. |
|
|
|
Nevralgıa
|
Kúná úshin jaza alý. Suhbattaý qınalysy. |
Men ózimdi keshiremin. Men ózimdi súıemin jáne maquldaımyn. Suhbattasý qýanysh ákeledi. |
|
|
|
Júıke
|
Baılanys sımvoly. Seziný organy. |
Men jeńil jáne qýana-qýana aralasamyn. |
|
|
|
Osteomıelıt
|
Ómirge yzalaný men ókiný. Seni eshkim qoldamaıtyn sekildi sezim. |
Men ómirge qarsy kelmeımin jáne oǵan senemin. Qaýip te, ýaıym da joq. Kimmen ıa nemen qoshtasqyńyz kelmeıdi? Men ótkenimmen jeńil qoshtasamyn. Jáne bul men úshin qaýipsiz. Endi mende tolyq erkindik. |
|
|
|
Kekirý
|
Qorqynysh. Ómirge óte toıymsyzdyqpen qaraý. |
Jasalýy tıis istiń árbiriniń óz orny men ýaqyty bar. Meniń janym tynyshtyqta. |
|
|
|
Pankreatıt
|
Qabyldaı almaý. Ashý men adasý: ómir óziniń tartymdylyǵyn joǵaltqan sıaqty. |
Men ózimdi súıemin jáne maquldaımyn. Men óz ómirimniń qýanyshyn ózim jasaımyn. |
|
|
|
Paralıch
|
Qorqynysh. Úreı. Adamnan nemese sıtýasıadan qashý. Qarsylyq. |
Men – ómirdiń bólinbes bólshegimin. Men ómirdiń ártúrli jaǵdaıynda ózimdi qalypty ustaı alamyn. |
|
|
|
Baýyr
|
Ashý men qarapaıym sezimderdiń jıyntyǵy. |
Meniń biletinderim – mahabbat, beıbitshilik pen qýanysh. |
|
|
|
Ókpe qabynýy
|
Shıryǵý. Ómirden sharshaý. Sezimge túsken, jazylýyna jol berilmeı jatqan jaralar. |
Men tynys pen ómir sanasyna toly Qudaı sózderin erkin qabyldaımyn. Bul – jańa bastaý. |
|
|
|
Psıhoz |
Úıden qashý. Ózimen-ózi bolý. Ómirden qashýǵa tyrysý. Bul Qudaılyq kórinistiń bastaýy, aqyl óz baǵasyn biledi. Ekijúzdilik. Aqsha men bolashaq úshin qorqynysh. |
Men ózime kóbirek paıdaly bolatyndaı etip ómir súre bastadym. |
|
|
|
Rak (qaterli isik)
|
Tereń jara. Eski renish. Uly jumbaq nemese qaıǵy tynyshtyq bermeı, jalmap barady. Jek kórý seziminiń saqtalyp qalýy. «Bul kimge kerek»? |
Men barlyq ótken isterdi mahabbatymmen keshiremin jáne umytamyn. Men budan bylaı óz álemimdi qýanyshtarǵa toltyramyn. Men ózimdi súıemin jáne maquldaımyn. |
|
|
|
Rahıt
|
Sezimniń shóldeýi. Mahabbat pen qorǵanyshty qajetsiný. |
Men – qaýipsizdiktemin. Men ǵaryshtyń óziniń mahabbatynan qýat alamyn. |
|
|
|
Revmatızm
|
Ózin álsiz seziný. Mahabbatty qajetsiný. Udaıy ókiný. Renish. |
Meniń ómirim - óz qolymda. Men ony súıe túsýdemin jáne maquldaımyn, sondyqtan meniń ómirim barǵan saıyn jaqsaryp keledi. |
|
|
|
Ózine qol jumsaý
|
Siz ómirdi tek aq pen qara dep túsinesiz. Jaǵdaıdan shyǵýdyń ózge jolyn kórgisi kelmeý. |
Men barlyq múmkindikterdi paıdalanyp ómir súrýdemin. Qashanda ózge jol bar. Mende bári senimdi. |
|
|
|
Shashtyń aǵarýy
|
Stress. Basymdyq kórsetý men qysym jasaýdyń kerektigine sený. |
Ómirimniń barlyq salasynda da meniń janym tynysh. Maǵan ózimniń kúsh-qabiletim jetedi. |
|
|
|
Infarkt
|
Aqsha, karera, t.s.s. úshin júrektegi barlyq qýanyshty qýyp shyǵý. |
Men qýanyshty júregimniń eń tórine ornalastyramyn. Men barlyǵyna mahabbatymdy úlestiremin. |
|
|
|
Merez
|
Óz kúshi men tıimdiligin jumsap alý. |
Men ózimmen-ózim bolýdy sheshtim. Men óz bolmysymdy osy kúıinde qabyldaımyn. |
|
|
|
Ólim
|
Ómir spektaklinen shyǵý sımvoly. |
Men tájirıbeniń jańa satysyna ketip baramyn. Barlyǵy jaqsy. |
|
|
|
SPID
|
Qorǵansyzdyq pen úmitsizdik sezimi. Bárine túkirý. Eshteńe de emesteı seziný. Jek kórý. Óz seksýaldyq aıybyn seziný. |
Men – Ǵaryshtyń bir bóligimin. Men onyń mańyzdy bóligimin, meni ómirdiń ózi jaqsy kóredi. Mende kúsh pen qabilet jeterlik. |
|
|
|
Kárilik |
«Qaýipsiz balalyq shaqqa» oralý. Járdem men ózine nazar aýdarýdy talap etý. |
Aspandyq qorǵanysh. Qaýipsizdik. Beıbitshilik. Ǵaryshtyq sana ómirdiń ár deńgeıinde áser etedi. |
|
|
|
Týberkýlez
|
Ózimshildikten bolǵan tógip-shashý. Jekeshildik. Qatigez oılar. Óshtesý.
|
Ózimdi súıe jáne maquldaı otyryp, men ózime tynysh jáne shattyqty ómir jasaımyn.
|
|
|
|
Bezeý
|
Ashýdyń baıaý belgileri. |
Men óz oılarymdy aýyzdyqtaımyn, janym jaılanady. |
|
|
|
Tósekke salqyndyq
|
Qorqynysh. Rahattanýdy qabyldaı almaý. Sezimsiz áriptester. |
Óz tánimnen rahat alý – qaýipsiz. |
|
|
|
Holesterın
|
Qýanyshtar keletin kanaldyń bitele bastaýy. Qýanyshty qabyldaýdan qorqý. |
Men ómirdi súıemin. Maǵan qýanysh ákeletin kanaldarym ashyq. |
|
|
|
Qoryldaý
|
Eskirgen stereotıpterge jabysyp, basqalardyń bárin umytý. |
Men ótkennen jańaǵa kóshemin. |
|
|
|
Sozylmaly aýrýlar
|
Ózgeristerdi jaqtyrmaý. Bolashaq aldyndaǵy qorqynysh. Qaýipti seziný. |
Men ózgergim jáne óskim keledi. Men jańa jáne qaýipsiz bolashaq quramyn. |
|
|
|
Epılepsıa
|
Ańdý manıasy. Naqty ómirdi sezinbeý. Ylǵı kúres ústinde seziný. Ózin-ózi zorlaý. |
Men budan bylaı ómirdi máńgi jáne shattyqqa toly dep sanaımyn. |
|
|
|
Asqazan jarasy |
Qorqynysh. Óziniń kem ekenine degen berik senim. Jaǵynýǵa tyrysý.
|
Men ózimdi súıemin jáne maquldaımyn. Meniń janym tynyshtyqta. Men – tamasha tulǵamyn. |
|
|
Siz múmkin, meniń mahabbat, beıbitshilik, qýanysh pen ózin-ózi maquldaý konsepsıasyn jıi paıdalanatynymdy baıqaǵan bolarsyz. Eger biz, shynymen Qudaıdyń qudiretiniń járdemine senip, ózimizdi ózimiz maquldap, mahabbatqa toly júrekpen ómir súrsek, onda beıbitshilik pen qýanysh bizdiń ómirimizdi toltyryp, kesel men qıyndyq jolamaıdy. Bizdiń maqsatymyz – aýrýsyz, ózimiz qatysqan kóńildi otyrystardan rahattanyp ómir súrý. Mahabbat ashýdy eritip jiberedi, mahabbat renishterdi umytýǵa májbúr etedi, mahabbat qorqynyshty qýady, mahabbat qaýipsizdik ákeledi. Eger sizdiń ómirińizdiń negizinde ózińizge degen mahabbat jatsa, onda sizdiń ómirińiz jeńil, úndestikte, saý-salamat, jaınaǵan qýanyshta ótýi tıis.
Tánı keselderge ushyraǵanda bul kitapty paıdalanýǵa bolatyn paıdaly mysaldar mynalar:
- Bul kitapta keseldiń qandaı psıhologıalyq sebebi berilgenin tabyńyz. Sizdiń jaǵdaıyńyzda ol shyndyqqa saı ma, tekserińiz. Eger olaı bolmaı shyqsa, onda tynysh otyryp: «Meniń qaı oılarym osyǵan ákelip soqtyrýy múmkin?» dep surańyz.
- Ózińiz úshin (lajy bolsa daýystap): «Men osy keseldi týyndatqan oılaý sterotıpinen arylǵym keledi» dep qaıtalańyz.
- Jańa oı úlgilerin birneshe ret qaıtalańyz.
- Siz aýrýdan jazylý jaǵdaıynda ekendigińizge ózińizdi sendirińiz. Siz óz keselińiz jaıly oılaǵan saıyn joǵarydaǵy áreketterdi qaıtalańyz.
Sodan soń qorytyndy medıtatıvtik taldaýlar keledi, olardy kún saıyn oqý paıdaly, óıtkeni olar saý sana qalyptastyrýǵa, sol arqyly tán saýlyǵyna jetýge múmkindik beredi.
Mahabbatpen emdeý
Meniń bolmysymnyń tereń ortasynda mahabbattyń taýsylmas qory bar. Men sol mahabbattyń syrtqa shyǵýyna múmkindik beremin. Ol meniń júregimdi, tánimdi, aqyl-oıymdy, sanamdy, meniń bar bolmysymdy toltyryp tur, menen jan-jaqqa nur shashyp, odan birneshe ese ulǵaıyp, ózime qaıta oralady. Men mahabbatty qanshalyqty mol qabyldasam, sonshalyqty kóp etip qaıtarýym kerek, onyń qory sheksiz. Mahabbat maǵan jaqsy kóńil-kúı syılaıdy, ol – meniń ishki qýanyshymnyń kórinisi. Men ózimdi jaqsy kóremin, sondyqtan men ózimniń tánime mahabbatpen qamqorlyq jasaımyn. Men qaıyrymdylyqpen ony jaqsy dámmen jáne sýsynmen tamaqtandyramyn. Men ony mahabbatpen jasandyryp, kıindiremin. Tán de maǵan óziniń saýlyǵy men qýatyn syılaıdy. Men ózimdi jaqsy kóremin, sondyqtan ózime barlyq talaptaryma saı keletin, sonda turý jaqsy kóńil-kúı ákeletin, qolaıly meken-jaı aldym. Men bólmelerdi mahabbat dirilimen toltyramyn, ol mahabbatty kirgen adamdardyń bári, sonyń ishinde ózim de sezip kóńili qosh bolatyndaı etemin.
Men ózimdi jaqsy kóremin, sondyqtan ózime unaıtyn, odan rahat alatyn, meniń darynym men qabiletimdi asha alatyn jerde jumys isteımin. Men adamdarmen jáne ózim unatatyn, meni jaqsy kóretin adamdar úshin jumys isteımin, aılyǵym da jaqsy. Men ózimdi jaqsy kóremin, óıtkeni meniń minezimde jáne oılarymda barlyq adamdarǵa mahabbatpen qaraımyn, óıtkeni meniń bergenim ózime kóp ese bolyp qaıta oralatynyna men senemin. Meniń ishki álemime men tek ózimdi jaqsy kóretin adamdardy shaqyramyn, sebebi olardan meniń óz bolmysym aınadan kóringendeı kórinedi. Men ózimdi jaqsy kóremin, sondyqtan da men keshire bilemin, ótkendi jáne barlyq ótken tájirıbemdi umytamyn, sóıtip bostandyq alamyn. Men ózimdi jaqsy kóremin, sondyqtan da tek búgingi kúnmen, onyń árbir sátinen rahat ala ómir súremin jáne meni jarqyn da qýanyshty bolashaq kútip turǵanyna senemin, óıtkeni men Keńistiktiń súıkimdi balasymyn, ol men úshin qazir de, bolashaqta da qamqorlyq jasaıdy. Shyn máninde bul solaı.
Men sizderdi súıemin.
Saý tán úshin affırmasıalar
Maǵan meniń sanam unaıdy:
Meniń sanam maǵan meniń Tánim - ásem Ǵajaıyp ekenin túsinýge járdemdesedi. Men ómir súrgenim úshin qýanamyn. Men sanamnyń kómegimen ózimdi emdeı alý qabiletimdi tanydym. Meniń sanam, meniń bolashaǵym soǵan baılanysty bolatyn aıdyń árbir sekýndyn tańdap alady. Men sanamdy paıdalaný arqyly odan emdelýge bolatyn kúsh alamyn. Men ózimniń kóńil- kúıimdi jaqsartatyn oılardy tańdap alamyn. Men ózimniń tamasha sanamdy súıemin jáne baǵalaımyn!
Maǵan meniń basymnyń terisi unaıdy
Meniń basymnyń terisi bos jáne tynysh. Ol meniń shashyma tósek bolyp tur. Ol meniń ádemi shashtarymnyń ósip, tolyq bolyp turýy úshin qýat beredi. Men oılarymdy, olar meniń basymnyń terisin ádemilep sylap-syıpap beretindeı etip tańdaımyn. Men ózimniń basymnyń tamasha terisin súıemin jáne baǵalaımyn!
Maǵan meniń shashtarym unaıdy
Men ómirime maǵan kerek nárseler jaıly qamqorlyq jasaýǵa múmkindik beremin, sóıtip myqty jáne beıbitshil adam bolamyn. Men basymnyń terisin jumsartamyn, sóıtip meniń tamasha shashtarymnyń ósip, top-tolyq bolyp turýyna múmkindik jasaımyn. Men shashtaryma mahabbatpen qaraımyn jáne olardyń ósýi men myqty bolýyna járdem jasarlyq oılardy tańdaımyn. Men ózimniń tamasha shashtarymdy súıemin jáne baǵalaımyn!
Maǵan meniń kózderim unaıdy
Meniń kózim óte jaqsy kóredi. Men barlyǵyn anyq jáne jarqyrata kóre alamyn. Men ózimniń ótkenime, búginime jáne bolashaǵyma mahabbatpen qaraımyn. Meniń sanam meniń ómirge kózqarasymdy aıqyndaıdy. Men barlyq nársege jańasha qaraımyn. Men ár adamdaǵy jaqsylyqty kóre alamyn, men ony qashan, qaı jerde bolsa da kóre alamyn. Men óz mahabbatymmen ózim kórip otyra berýge qumar ómirdi jasaı alamyn. Men ózimniń tamasha kózderimdi súıemin jáne baǵalaımyn!
Maǵan meniń qulaqtarym unaıdy
Men tynysh, baısaldy, ómirsúıgish adammyn. Men óz tóńiregimde úndestik týǵyzatyn oılardy tańdaımyn. Men barlyq jaqsy jáne jáıli nárselerdi tyńdaǵandy jaqsy kóremin. Ár adamnyń sózderinen men mahabbatqa shaqyrýdyń jasyryn túrin estımin. Men ózgelerdi túsinýge tyrysamyn jáne olarǵa janashyrlyqpen qaraı alamyn. Meni meniń ómirdi tyńdaı bilý qabiletim qýantady. Meniń sanam qashan bolsa da qabyldaýǵa ashyq. Men rahattana tyńdaımyn. Men ózimniń tamasha qulaqtarymdy súıemin jáne baǵalaımyn!
Maǵan meniń murnym unaıdy
Men ózimdi qorshap turǵandardyń bárimen beıbit ómir súremin. Meniń ústimnen eshkim, eshqashan bılik ete almaıdy. Men óz álemimde kúsh pen bıliktiń ıesimin. Men ózimniń shyn qundylyǵymdy moıyndaıtyn oılardy ǵana tańdaımyn. Men óz sezimime senemin, óıtkeni men qashan da Keńistiktegi Aqylmen jáne Aqıqatpen baılanystamyn. Men qashan da ózimniń durys jolymdy tańdaımyn. Men ózimniń tamasha murnymdy súıemin jáne baǵalaımyn!
Maǵan meniń aýzym unaıdy
Men jańa ıdeıalardan qýat alamyn. Men qabyldap sińirý úshin jańa konsepsıalar daıyndaımyn. Men Aqıqat zańdary negizinde ońaı sheshimder qabyldaımyn. Mende ómirge degen jaqsy súıispenshilik bar. Men qaı nárse bolsyn mahabbatpen aıtýǵa múmkindik beretin oılardy tańdaımyn. Men ne oılasam sony batyl jetkize alamyn, sebebi men óz baǵamdy bilemin. Men ózimniń tamasha aýzymdy súıemin jáne baǵalaımyn!
Maǵan meniń tisterim unaıdy
Meniń tisterim saý jáne myqty. Men ómirge qýanyshpen qaraımyn. Men ózimniń ótken tájirıbemdi tolyq oı eleginen ótkizemin. Men – tabandy adammyn. Meniń sheshim alýym ońaı jáne ony ózgertpeımin. Men ózime myqty ishki negiz bolatyn oılardy tańdaımyn. Men ózimniń İshki Aqylyma senemin, óıtkeni men qandaı tańdaý jasasam da, ol maǵan sol sátte eń tıimdisi bolyp shyǵady. Men ózimniń tamasha tisterimdi súıemin jáne baǵalaımyn!
Maǵan meniń tisimniń etteri unaıdy
Meniń tisterimniń etteri – densaýlyq kepili. Olar meniń tisterimdi ustap tur jáne ony qorǵaıdy. Maǵan óz sheshimderimdi oryndaý ońaı. Sheshimderimdi men ishki senimderimmen salystyryp alamyn. Men tek Aqyl men Aqıqatty ǵana basshylyqqa alamyn. Men óz ómirimde durys áreketterge ákeletin oılardy tańdap alamyn. Men ózimniń tisimniń tamasha etterin súıemin jáne baǵalaımyn!
Maǵan meniń daýysym unaıdy
Men óz pikirimdi ashyq aıta alamyn. Men ne oılasam, sony aıtamyn. Meniń sózderim - ómir mýzykasy. Men ásemdik pen alǵysty bildiretin sózderdi tańdaımyn. Men ómirmen tolyq birlikte ekenimdi málimdeımin. Men ózimniń tamasha daýysymdy súıemin jáne baǵalaımyn!
Maǵan meniń moınym unaıdy
Men ózge pikirlerdiń bolýyn jáne maqsatqa jetýdiń ózge de joldary bolýyn qabyldaýǵa ázirmin. Men munyń bárin erkin moıyndaımyn. Men ózgeristerge umtylamyn. Men ózimniń ıdeıalardaǵy bıazylyǵymdy jáne shyǵarmashylyq ereksheligimdi saqtap qalýǵa zıany tımeıtin oılardy tańdaımyn. Men óz oıymdy erkin jáne qýanyshpen jetkize alamyn. Men ózimniń tamasha moınymdy súıemin jáne baǵalaımyn!
Maǵan meniń qoldarym unaıdy
Men ózimdi jáne ózimniń súıiktilerimdi qorǵaımyn. Men ómirden rahattanamyn. Men ómirdiń túrli jaǵdaılaryn durys qabyldaý qabiletine ıemin. Men, maǵan ózgeristerdi jeńil qabyldaýǵa jáne kez-kelgen baǵytta alǵa jyljýǵa múmkindik beretin oılardy tańdaımyn. Men – myqty, qabiletti jáne qaıratker adammyn. Men ózimniń tamasha qoldarymdy súıemin jáne baǵalaımyn!
Maǵan meniń qolymnyń syrty unaıdy
Meniń qolymnyń terisi jumsaq ári ádemi. Men rahattarǵa erkin berile alamyn. Men barlyq alǵan jaqsylyqtaryma laıyqpyn. Men, ózimde bar barlyq nárseden rahat alýǵa bolatyn oılardy tańdaımyn. Men ózimniń qolymnyń tamasha syrtyn súıemin jáne baǵalaımyn!
Maǵan meniń qolymnyń súıekteri unaıdy
Meniń qolymnyń súıekteri qalaı qalasa, solaı ómir súre alady. Olar, adamdar men oqıǵalarǵa qalaı qarym-qatynas jasaý kerektigin biledi. Men, ózimniń ómir súrýime jeńil ári qýanyshty bolatyn oılardy tańdaımyn. Barlyǵy Kıeli Quqyq anyqtaǵan Tártipke sáıkes ótip jatyr. Men ómirge mahabbatpen qaraı alamyn, demek men qaýipsiz jaǵdaıdamyn, maǵan eshqandaı qater tónip turǵan joq, óz «menimdi» saqtap tura alamyn. Meniń janym jaı taýyp tur. Men ózimniń qolymnyń tamasha súıekterin súıemin jáne baǵalaımyn!
Maǵan meniń saýsaqtarym unaıdy
Meniń saýsaqtarym maǵan kóp qýanyshtar ákeledi. Maǵan, ózimniń ustap kórý jáne seziný, sıpap kórý men zertteý, tigý men jóndeý, oryndaý jáne sulýlyqty mahabbatpen jasaýdaǵy óz qabiletim unaıdy. Men saýsaǵymdy ómirdiń púlsinde ustaımyn, men ózimdi qorshaǵan barlyq adamdarmen kelisimde ómir súremin. Men, jurttyń bárine mahabbatpen janasa alatyn oılardy tańdaımyn. Men ózimniń tamasha saýsaqtarymdy súıemin jáne baǵalaımyn!
Maǵan meniń tyrnaqtarym unaıdy
Men úshin tyrnaqtaryma qaraý – úlken qýanysh. Men – qorǵaýdamyn, men – qaýipsiz jaǵdaıdamyn. Men tynyshtyqta turǵanda, ómirdiń aǵysyna berilgende, meniń tyrnaqtarym kúshti jáne qatty bolyp ósedi. Men ózimniń tamasha tyrnaqtarymdy súıemin jáne baǵalaımyn!
Maǵan meniń omyrtqam unaıdy
Meniń omyrtqam – úndestik pen mahabbattyń qosylysy. Árbir omyrtqa eki kórshi omyrtqamen dostyq baılanysta. Olardyń barlyǵynyń ózara qarym-qatynasy baısaldy jáne minsiz. Meniń kúshimniń ǵana emes, meniń ıilgishtigimniń de bastaýy – osynda. Men aspanǵa da jete alamyn, jerge de ıile alamyn. Men, maǵan bostandyq pen qaýipsizdik ákeletin oılardy tańdaımyn. Men ózimniń tamasha omyrtqamdy súıemin jáne baǵalaımyn!
Maǵan meniń arqam unaıdy
Meniń arqam - ómirdiń ózi. Men odan moraldyq qoldaý sezinemin. Men barlyq qorqynyshtardy qýyp jibere alamyn. Men ózimdi súıikti sezinemin. Men úshin, meniń ótkenim de, barlyq júrip ótken jolym da mańyzdy emes. Men artta qalyp qoıǵan nárseniń bárin umytamyn. Men budan bylaı ómirdiń tabıǵı damýyna senemin. Men, maǵan kerek nárseniń bárin beretin oılardy tańdaımyn. Ómir maǵan, odan kútken kezimde de, odan kútpegen kezimde de ońynan qaraıdy. Ómir – eń kerek nárse ekenin men bilemin. Ómirge degen mahabbat meni batyl jáne kelbetti etedi. Men ózimniń tamasha arqamdy súıemin jáne baǵalaımyn!
Maǵan
Pikir qaldyrý