Ekonomıs Muhtar Taıjan 2018 jyldyń 20 tamyzynda Qytaıdyń Qazaqstanǵa ekspansıasy týraly qol jınap, Elbasyna hat joldaǵan edi. QR Ulttyq ekonomıkalyq mınıstrligi atalmysh hatqa resmı jaýap berdi, dep habarlaıdy Qamshy.kz aqparat agenttigi.
Hatta Qytaıdaǵy 2 mıllıonǵa jýyq qazaqtyń taǵdyry men Qazaqstan-Qytaı arasyndaǵy qarjylyq máseleleri kóterildi.
QR UEM málimetinshe, QR Syrtqy ister mınıstrligi sheteldegi Qazaqstan azamattarynyń quqyqtary men múddelerin qorǵaý úshin tıisti sharalardy júzege asyryp otyrady. Al Qytaıdaǵy etnıkalyq qazaqtardyń máselelerine qatysty Qazaqstan jáne Qytaı dıplomattary arnaıy konsýltasıalar ótkizip, tıisti sheshim qabyldaıdy. Mundaı jaǵdaıda eki memleket arasyndaǵy dostyq qarym-qatynas eskeriledi.
«Eki memleket arasynda joǵary deńgeıde qol qoıylǵan saıası qujattar: 2013 jylǵy 7 qyrkúıektegi QR men QHR-dyń jan-jaqty strategıalyq áriptestikti odan ári tereńdetý týraly Birlesken deklarasıasy jáne Shanhaı qalasynda 2014 jylǵy 19 mamyrdaǵy QR men QHR arasyndaǵy Birlesken deklarasıasyna sáıkes, taraptar egemendikke, qaýipsizdikke jáne aýmaqtyq tutastyqqa zıan keltiretin qandaı da bir odaqtar men bloktarǵa qatyspaıtynyn, ekinshi taraptyń egemendigine jáne qaýipsizdigine zıan keltiretin úshinshi eldermen shart jasaspaıtynyn, óz aýmaǵynda qandaı da bir ekinshi taraptyń egemendigine, qaýipsizdigine jáne aýmaqtyq tutastyǵyna zıan keltirýge baǵyttalǵan uıymdar men toptardyń qyzmetine jol bermeıtinin rastaıdy», - dep jaýap berdi UEM.
Sonymen qatar, UEM málimetine sáıkes, Qytaı Halyq Respýblıkasy Qazaqstan Respýblıkasynyń memlekettik egemendigin jáne aýmaqtyq tutastyǵyn qamtamasyz etý boıynsha basshylyǵyn qoldaıdy jáne Qytaı men Qazaqstan memleket ishindegi isterge aralaspaıdy.
Sonymen qatar mınıstrlik eki el arasyndaǵy qarjylyq kelisim-sharttar boıynsha jaýap berdi.
Ondaǵy talqylanǵan másele «QazMunaıGaz» UQ» AQ-nyń óndirýshi aktıvterine qytaı kompanıalarynyń qatysy men Qazaqstan-Qytaı gaz qubyry boldy.
«2006 jyly «QazMunaıGaz» UQ» AQ «Petro Qazaqstan Ink» kompanıasyndaǵy aksıalardyń 33 paıyzyn satyp aldy, aksıalardyń qalǵan 67 paıyzy «CNPC» kompanıasyna tıesili. «Qarajanbasmunaı» AQ aksıonerleri: «QMG» BÓ» AQ (50 paıyz) jáne SITIK (50 paıyz) 50 paıyz qatysý úlesi 150 mln AQSH dollary somasyna, sonymen qatar 782 mln AQSH dollary somasyna qabyldanǵan mindettemeler esebine satyp alyndy», - delingen mınıstrliktiń jaýabynda.
Al Qazaqstan-Qytaı gaz qubyry boıynsha mynany habarlady:
«2008 jyldyń aqpanynda «Azıalyq Gaz Qubyry» JSHS quryldy. 2010 jyldyń jeltoqsanynda «Beıneý-SHymkent Gaz qubyry» JSHS quryldy. AGQ Qazaqstan – Qytaı magıstraldyq gaz qubyryn salý jobasyn iske asyrý maqsatynda Qytaı Damý Banki men Qytaı Bankiniń qatysýymen sındıkattalǵan qaryz tartty, qazirgi ýaqytta bereshek 6,1 mlrd AQSH dollaryn quraıdy. Beıneý-SHymkent gaz qubyryn salýdy qarjylandyrý Qytaı Damý bankinen qaryz alý esebinen júzege asyryldy, aǵymdaǵy bereshek 945 mln AQSH dollar», - delingen vedomstvoda.
Eger qaryzdar ótelmegen jaǵdaıda, gaz qubyrlary kepilmen jabylady. Hattyń tolyq mazmunyn tómendegi fotolardan kóre alasyz.
