İİM krımınaldy polısıa departamentiniń qyzmetkerleri Aqmola oblysy Arshaly aýdany Ijevskoe aýylyndaǵy Esil ózeniniń jaǵasynan NUR.KZ portalynyń Astanadaǵy jýrnalısin óltirip, qashyp ketken kúdikti azamat Gýseınovti qolǵa túsirdi dep habarlaıdy Qamshy.kz aqparat agenttigi.
Bul týraly İİM resmı ókili Almas Sádýbaev málimdedi.
Eske salsaq, 24 qyrkúıekte Irına Beketovany ózimen birge turatyn azamat qyzǵanyshtan uryp óltirgen bolatyn.
Qylmys jasaǵan soń qashyp ketken kúdiktini izdeý sharalaryna İİD-niń barlyq jeke quramy jumyldyrylǵan edi. Qylmyskerdi ustaý operasıasy óte tez aıaqtalǵan. Ol eshbir qarsylyq kórsetpegen jáne qashýǵa da áreket etpepti.
Qazirgi tańda sotqa deıingi tergeý amaldary júrgizilýde.
