Parlament Májilisinde ótip jatqan «Jumyspen qamtý salasynyń problemalary men damý perspektıvalary» parlamenttik tyńdaýy barysynda Palata Tóraǵasy Nurlan Nyǵmatýlın sóz sóılep, osy saladaǵy jetistikter men kemshilikterge toqtaldy dep habarlaıdy Qamshy.kz aqparat agenttigi QR Parlamenti Májilisi Apparatynyń Baspasóz qyzmetine silteme jasaı otyryp.

Palata Spıkeriniń pkirinshe, búgingi kúni bilim berý mekemelerinde mamandardy daıarlaý naryq talaptaryna saı bolmaı otyr. Onyń bir sebebi, kadrlarǵa degen suranysqa baılanysty tereń taldaý jasalmaıdy.

Odan ári bilim berý baǵdarlamalary da qazirgi talapty  tolyqtaı  oryndamaı otyrǵanyn,  sol sebepten, stýdent jastarǵa oqýyn bitirgennen keıin  mamandyǵy boıynsha jumys tabý qıyn ekenin alǵa tartqan N. Nyǵmatýlın  osy máseleni sheshý úshin kadrlarǵa degen  qajettilik monıtorıńiniń  tıimdi júıesin qurý qajettigine toqtaldy.

Aıta ketetin málimet, búgingi kúni bizdiń elimizde 7 mıllıonǵa jýyq  jumyskerdiń  joǵary jáne  orta kásiptik bilimi bar. Ol barlyq  jumyspen qamtylǵan azamattardyń 79  paıyzyn quraıdy. Bul  elimizdegi eńbek resýrstarynyń  sapasy  joǵary    ekeniniń    dáleli.

Osy kórsetkishter  álemdegi eń damyǵan 30 memlekettiń qataryna qosylý jolyndaǵy bizdiń strategıalyq  artyqshylyǵymyz bolyp   tabylady.