Shyǵys Qazaqstan oblysyndaǵy Zyrán aýdany men qalasy Altaı bolyp ózgerdi, dep jazady Qamshy.kz aqparat agenttigi.

Búgin Zyrán aýdandyq máslıhatynyń turaqty komısıasynyń tyńdaýy ótken edi. Bir saǵatqa sozylǵan tyńdaý barysynda Zyrán aýdanynyń da, qalasynyń da ataýyn Altaı dep ataý týraly sheshim qabyldandy. Birneshe kúnnen beri halyq bolyp talqylap kele jatqan aýdan ataýyn ózgertý týraly máseleni aýdandyq máslıhat depýtattary men jergilikti qoǵamdyq uıymdar biraýyzdan qoldady.

Halyq kótergen máseleni aldymen oblys ákimi Danıal Ahmetov qoldap, «Altaı» ataýyn aýdanǵa ábden laıyq ekenin atap ótken edi.

Onyń ústine, búgin 28 qyrkúıek Altaıdyń jyrshysy atanǵan Oralhan Bókeıdiń týǵan kúni.

Jerimniń arýysyń Altaı taýym,

Baýyryńda syńsyp ósken baqsha-baýym.

Basyńda appaq bolyp qar jatsa da,

Qaraımyn, qyzyqtaımyn, qumartamyn.

Taýlardyń atasysyń Shyǵysymda,

Men de el kóp rıza yrysyńa.

Bilim ap baýyryńda júrmiz shalqyp,

Aı, kúnim, anashymsyń, tynysymda.

(Oralhan Bókeıdiń 16 jasynda eń alǵash jazǵan óleńi)