Juldyz Omarbekova qoǵamdyq damý vıse-mınıstri bolyp taǵaıyndaldy. Bul týraly QR premer-mınıstriniń resmı saıty habarlady.
«Úkimet qaýlysymen Juldyz Qajykenqyzy Omarbekova QR qoǵamdyq damý vıse-mınıstri laýazymyna taǵaıyndaldy», - delingen habarlamada.
Juldyz Omarbekova 1983 jyly Almatyda dúnıege kelgen.
Ál-Farabı atyndaǵy Qazaq ulttyq ýnıversıtetin támamdaǵan. Quqyqtaný mamany, áleýmettik ǵylymdar kandıdaty.
Eńbek jolyn 2001 jyly bastaǵan. Túrli jyldary áleýmettaný páninen oqytýshy, «Baýyrjan» qaıyrymdylyq qorynyń atqarýshy dırektory jáne prezıdenti bolyp jumys istegen.
2013–2014 jyldary Almaty Mádenıet basqarmasy basshysynyń m.a., basshysy, 2014–2015 jyldary — Almaty Naýryzbaı aýdany ákiminiń orynbasary qyzmetterin atqarǵan. 2016 jyldyń mamyr aıynan bastap qazirgi tańǵa deıin «Nur Otan» partıasynyń Almaty qalalyq bólimshesi tóraǵasynyń birinshi orynbasary laýazymyn atqarǵan.
