Búgin kıno jáne teatr akteri Tursyn Baıtaıuly Quralıev  dúnıeden ozdy, dep habarlaıdy Qamshy.kz aqparat agenttigi. 

Tursyn Baıtaıuly 1950 jyly 6 qańtarda Jambyl oblysy Shý aýdany Qulaqshyn beketinde dúnıege kelgen.

1968-1972 jj. M. Shepkın atyndaǵy teatr joǵary ýchılıshesiniń akter mamandyǵy boıynsha támamdady.

1975-1977jj. Sh. Aımanov atyndaǵy «Qazaqfılm» kınostýdıasynda eńbek etti.

1977 jyldan beri Ǵ. Músirepov atyndaǵy Qazaq memlekettik akademıalyq balalar men jasóspirimder teatrynda eńbek etken.

1998 j. «Qazaqstannyń eńbek sińirgen artısi» ataǵyn aldy.

50-den astam rólderde oınaǵan. «Mosfılm», «Qazaqfılm» kınostýdıalary fılmderine túsken. «Aıman-SHolpan» (Álibek), M. Aýezovtyń «Apýa (Arman), A. Tarazıdiń «Jákep kisi (Shalgez), S. Smataevtyń «Zar Zaman» (Baraq Sultan), S. Balǵabaevtyń «Eń ádemi kelinshek» (Altaı) jáne t.b kóptegen rólderdi somdaǵan.

Tursyn Baıtaıuly Quralıevtiń eń sońǵy túsken telehıkaıasy – «Tar zaman».