Ronaldýdyń súıiktisi, onyń tórt balasyn mápelep-tárbıelep otyrǵan qalyńdyǵy Djordjına Rodrıges fýtbolshyǵa qoldaý kórsetti dep jazady Qamshy.kz aqparat agenttigi sheteldik BAQ-qa silteme jasap.
Qyrkúıek aıynyń sońynda 33 jastaǵy tanymal fýtbolshy Krıshtıaný Ronaldýǵa amerıkalyq Ketrın Maıorgty zorlady degen aıyp taǵyldy. Krıshtıaný Ronaldý bul aqparǵa baılanysty birden málimdeme jasaýǵa asyqty. Al álemge tanymal fýtbolshynyń súıiktisi Djordjına Rodrıges bul jaıtqa beıjaı qaraı almaıtynyn aıtyp, Ronaldýǵa qoldaý kórsetip, fýtbol jankúıerlerin qýantty. Djordjına Rodrıges Krıshtıaný Ronaldý men onyń komandasy jeńiske jetken stadıonda túsirilgen fotony óziniń áleýmettik jelisine jarıalap, óziniń júrekjardy sezimin bildirip, jazba qaldyrdy.
«Ómirlik jolymyzdaǵy qıyndyq-kedergiler bizdiń myqty bolýymyzǵa, kúsh-jigerimizdi jasytpaýǵa óz áserin tıgizip, rýhanı kemeldenip ósýimizge septik etedi. Búgingi esten ketpes, ádemi oıyn úshin raqmet! Men seni janymdaı jaqsy kóremin, Krıshtıaný», dep oı tolǵapty tórt balany tárbıelep otyrǵan fýtbolshynyń qalyńdyǵy.
