Shymkenttegi kóp qabatty úıdiń podezinde 11 jastaǵy balaǵa tap bergen er adam 15 jylǵa sottaldy. Bul týraly Tengrinews.kz portalyna qylmystyq ister jónindegi mamandandyrylǵan aýdanaralyq soty habarlady.

«11 jastaǵy balaǵa tap berip, zorlyq áreket jasamaq bolǵan 33 jastaǵy er adamǵa qatysty úkim shyqty. Sot úkimi boıynsha QR QK 121-babynyń 4-bólimine sáıkes 15 jylǵa sottaldy. Sot sheshimine sáıkes er adam jazasyn qaýipsizdigi joǵary kolonıada óteıtin bolady. Sot prosesine balanyń zańdy ókilderi qatysty, ózi qatyspady. Sottalýshy balanyń jaqyndarynan keshirim surap, ókinetindigin jetkizdi. Ol 21 qyrkúıekte 15 jylǵa sottaldy», - dedi sot.

Aıta keteıik, shildeniń basynda áleýmettik jelide kámelet jasqa tolmaǵan jasóspirim balaǵa shabýyl jasaǵan vıdeo tarap, qazaqstandyqtardyń jaǵasyn ustatqan. Etıka turǵysynan saıtymyz vıdeony jarıalamady. Oqıǵa Shymkentte 1 shilde kúni boldy. Vıdeodan er adamnyń balany podezge kirgizip, artynsha baspaldaqtyń artyna jasyrynǵanyn baıqaımyz. Keıin kireberiske bir áıel kirip qalyp, er adam syrtqa qaraı qasha jóneledi. Vıdeo beınebaqylaý kamerasyna túsip qalǵan.

Keıin polısıa anyqtaǵandaı, kúdikti 1985 jylǵy Shymkent turǵyny bolyp shyqty.

Araǵa 20 kún salyp pedofıldiń qurbany bola jazdaǵan blanayń ákesi júrek talmasynan qaıtys boldy. Balanyń ájesi munyń sebebin shildeniń basynda bolǵan oqıǵadan ekenin aıtty. Aıtýynsha, balasynyń jan qınalysyn júregi kótere almaǵan. Ári ájesi sol kúngi oqıǵanyń qalaı bolǵanyn jýrnalıserge aıtyp berdi.