Aqmola oblysyndaǵy Shortandy aýylynda  balabaqshada jumys isteıtin 23 jastaǵy kelinshekten ókpe derti anyqtaldy.  Naýqas tárbıeshi  qazir aýrýhanada jatyr eken. Odan týberkýlezdiń ashyq túri anyqtalsa da, mektepke deıingi mekeme karantınge jabylmaǵan. Bul týraly KTK arnasy habarlady.

Qazir 23 jastaǵy qyz týbdıspanserde dárigerlerdiń baqylaýynda jatyr. Bolǵan jaıttan keıin sanıtarlyq dárigerler ǵımaratty zararsyzdandyryp, balalar Mantý synamasyn tapsyrypty.

Balabaqshaǵa baryp júrgen balalardyń ata-analary aıtqandaı, olardan tárbıeshiniń qaýipti derti jaıynda jasyryp kelipti.

Balabaqshanyń medısınalyq qyzmetkeriniń sózine súıensek, tárbıeshi maýsym aıynda qaralǵanda, naýqasy anyqtalmaǵan.

Telearna málimetinshe, balalardyń biri týberkýlez juqtyrsa, aýyl turǵyndary sotqa aryz beremiz dep otyr.