Elbasy 5 qazanda Aqorda rezıdensıasynda halyqqa Joldaýyn jarıalady, dep habarlaıdy Qamshy.kz aqparat agenttigi.
Elbasy Joldaýyn ulttyq telearnalar men Aqordanyń Feısbýktegi resmı paraqshasy tikeleı efırde kórsetip jatyr. Bilim júıesi, turǵyn úı sapasy, jer máselelerin aıta kele Elbasy sot júıesindegi kemshilikterdi atady.
«Birinshiden, sot jumysynyń zamanaýı formattaryn jáne ozyq elektrondy servıster engizýdi jalǵastyrǵan jón. Ekinshiden, sot júıesindegi kadrlardy ózgertý arqyly sapaly damýyn qamtamasyz etý kerek. Bul týraly jıi aıtamyn. Myqty zańgerlerdi jınaý kerek. Biraq ázirge olaı emes. Ol úshin bárin jasadyq.
Minsiz sot praktıkasy qajet. Ásirese, bıznes pen memlekettik qurylym arasyndaǵy sot daýyna kelgende muny eskerý qajet. Sotqa halyq máseleni sheshý úshin júginedi, sony bilesińder me?
Bizde Sovet odaǵynda sotqa emes, partıanyń aýdandyq komıtetine shaǵymdanatyn. Bul zańdylyq. Al zańǵa eshkim qarsy shyqpaıdy. Adamdar shaǵymyn prezıdentke jazady. Sebebi sottyń ádil sheshim shyǵaratynyna senbeıdi. Sol sebepti sotqa taǵy da mindet júktegim keledi. 27 jyl boldy. Baıaǵy sýdıalar otyr. Biraq áli másele sheshilmeı keledi», - degen Elbasy Joǵarǵy sot tóraǵasy Jaqyp Asanovty ornynan turǵyzdy.
Ári sotqa kásibılik jetpeıtinin tilge tıek etti. Elbasynyń synyna Joǵarǵy sot tóraǵasy Jaqyp Asanovtyń jaýaby daıyn turdy.
«Sizdiń tapsyrmańyzdan keıin úmitkerlerdi muqıat qaraıtyn boldyq. 2 baıqaý ótti, jalpy 140 adam ózin usyndy. Biraq 140 adamnan 5-aq adamdy sýdıalyqqa usyndyq», - dedi Asanov.
Budan keıin Elbasy Joǵarǵy sot keńesiniń tóraǵasy Talǵat Donaqovqa shúılikti. Búgingi aıtylǵandardy taǵy bir márte qaıtalatpaýdy buıyrdy.
Aıta keteıik, Elbasynyń 2017 jylǵy «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynda el ekonomıkasyn órkendetip qana qoımaı, bilimdi damytý, rýhanıatymyzdy jańǵyrtý, qaýipsizdik sharalaryn kúsheıtý, dinı ekstremızmniń aldyn alý, qylmystyq jazany ótep jatqan azamattardy teologıalyq turǵydan saýattandyrý máseleleri aıtyldy.
Memleket basshysy óskeleń urpaqty óz betimen izdenýge úndep, osy baǵytta oqytý baǵdarlamalaryn jetildirýdi tapsyrdy. Sonymen qatar, IT-bilimdi, qarjylyq saýattylyqty, ultjandylyqty damytýǵa basa kóńil bólý qajettigin sóz etti.
Al 2018 jyly 10 qańtarda «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýyn jarıalady. Onda Tórtinshi ónerkásiptik revolúsıa álemine beıimdelý men jetistikke jetý jolyn tabý úshin ne isteý qajettigin aıqyndady. úsh tildi meńgergen kez kelgen etnıkalyq toptyń ókili Prezıdent bola alatyny aıtyldy. 2018 jyly zeınetaqy men járdemaqynyń jáne muǵalimder jalaqysynyń neshe paıyzǵa ósetinin habarlady.
