Búgingi Elbasy Joldaýyndaǵy mańyzdy ári ózekti baǵyttardyń biri – quqyq organdarynyń reformasy. Ózimiz kórip otyrǵandaı, quqyq qorǵaý organdarynyń jumysy bıyl sarapshylar qaýymdastyǵy men halyq tarapynan eń kóp talqylaýǵa ıe bolǵan taqyryptardyń biri. Qoǵam tarapynan quqyq qorǵaý organdaryn jańǵyrtý jóninde birqatar paıymdar aıtylyp, usynystar berilgen bolatyn. Kún tártibindegi bul ózekti máselege Elbasy mańyzdy is-sharalar keshenin usynyp, naqty tapsyrmalar berdi. Bul is-sharalardyń basty maqsaty – eń aldymen quqyq qorǵaý organdaryna degen halyq tarapynan senimdi arttyrý.

Bul reformalar aldaǵy ýaqytta júrgizilgen reformalardyń jalǵasy, ıaǵnı 2010 jyldan bastap İshki ister mınıstrliginen birqatar fýnksıalar Bilim jáne ǵylym mınıstrligi, Ádilet mınıstrligine berilgen bolatyn, ıaǵnı sáıkes emes qyzmetterdi tıisti quzyrly organdarǵa berip, İshki ister mınıstrligi aınalysatyn máseleler tizimin odan ári naqtylaý jáne retteý quqyq qorǵaý organdarynyń ári qaraı kásibılenip, óz qyzmetterin sapaly atqarýǵa múmkindik beredi.

Sonymen qatar, quqyq qorǵaý organdaryna degen senimniń artýyna yqpal etetin faktor – olardyń halyqpen jumys isteý mehanızmderi men quraldary. Búgingi sıfrlandyrý dáýirin eskersek, quqyq qorǵaý organdary óz jumystarynda jedel aqparat alý, halyqtyń shaǵymdary men suraýlaryn óńdeý ári taldaý, qoǵamdyq pikirdi eskerý, keri baılanys sıaqty baǵyttarǵa da erekshe nazar aýdarýy tıis ekendigine úlken mán berdi.

Jalpy alǵanda, kásibı qyzmet atqaratyn quqyq qorǵaý júıesi qoǵamnyń áleýmettik ál-aýqatynyń, ómir saltynyń artýynyń negizi ekenin eskersek, bul reformalar ýaqytyly ári ózekti.

Joldybalına Alýa,

Qazaqstan Respýblıkasy Prezıdenti janyndaǵy Qazaqstan strategıalyq zertteýler zertteýler ınstıtýtynyń bólim basshysy