Balabaqsha, mektepterdegi qaýipsizdik, ustazdar statýsy, azamatardyń shetelge shyqpaı, el ishinde em alýy, quqyq qorǵaý organdaryndaǵy tártip, sottyń ádilettiligi, qarapaıym qazaqtyń baspanaly bolýy sıaqty eń ózekti máselelerdi kótergen Elbasynyń kezekti joldaýy jarıalandy.
Aqordanyń feısbýk paraqshasynda Elbasynyń tikeleı efırin tamashalaǵan kórermenniń sany 1900 boldy. Beınejazbanyń astyna pikir qaldyrǵandardyń sany 779 ekendigin basa nazar aýdaryp aıtqanymyz jón. Eń qyzyǵy, olardyń deni - jastar. Ýaqyt óte kele saıasatqa, jalpy alǵanda, el bolashaǵyna alańdaıtyn jastardyń kóbeıgeni qýantady.
Bıylǵy joldaýdy Elbasy erkin formatta ótkizgeni de erekshe kózge tústi. Ázil-qaljyńy aralas bolǵandyqtan ba, zal birneshe ret kúlkisin jasyra almady.
