Prokýratýra burynǵy prezıdentti 20 jylǵa sottaýdy suraǵan. Lı Men Baktiń ózi sotqa qatyspady.
76 jastaǵy Lı Men Bak Ońtústik Koreıany 2008-2013 jyldar aralyǵynda basqarǵan. Bıyl kóktemde ol Samsung kompanıasynan para aldy dep aıyptalǵan. Oǵan sonymen qatar salyq tóleýden jaltardy, bılikti teris maqsatta paıdalandy jáne saılaý zańyn buzdy degen aıyp taǵylǵan.
Byltyr Ońtústik Koreıanyń burynǵy prezıdenti Pak Kyn He para aldy jáne bılikti teris maqsatta paıdalandy degen aıyppen 24 jylǵa sottalǵan. 2009 jyly eldiń eks-prezıdenti No Hý Men sybaılas jemqorlyq qylmysyn jasady dep aıyptalǵan soń ózine qol salǵan. Qazir Ońtústik Koreıany Mýn Chje In basqarady.
