Almaty qalalyq «Nur Otan» partıasy Áýezov aýdanyndaǵy nómiri 58, 59 úı turǵyndarynyń aryzyn qabyldap, kógaldandyrý jáne aýlaǵa asfált tóseý máselesin sheship berdi.

Zeınetkerler úsh jarym jyldan beri aryzyn arqalap, talaı mekemeniń esigin qaqqan. Úı aýlasyndaǵy kólikter turǵyndardyń mazasyn alyp, jolda júrýge kedergi keltirgen. Al asfált tóselgeli turǵyndar Altynsarın dańǵylyna emin-erkin shyǵyp júrgenderin aıtty.

Qoǵamdyq qabyldaýda qaralǵan máseleni máslıhat depýtat Erbolat Qasymov qolǵa alyp, bir jarym aıdyń kóleminde nátıje shyǵarǵan.  

«Osy yqshamaýdannyń turǵyndary aryz jazǵan qoǵamdyq qabyldaýyna, «Nur Otan» partıasynyń Áýezov aýdandyq fılıalyna osy kire beristi jasap berseńizder degen ótinish tústi. Biz bir jarym aı ishinde óz qarajatymyzdan 2 mıllıon teńgedeı qarjy bólip, 90 metrdeı jol jasap berdik. Endi ózderińiz kórip turǵandaı, turǵyndardyń aryzy boıynsha naqty sheshim qabyldap, ótinishterin oryndap berdik», – dedi Almaty qalalyq máslıhatynyń depýtaty Erbolat Qasymov.

«Úsh jarym jyl osy joldy jasatýǵa kúsh saldyq. Aqyrynda bıylǵy jyly qol jetkizip otyrmyz. Qala ákimine, Áýezov aýdanynyń ákimdigine jáne osy istiń basy-qasynda júrip, máseleniń sheshilýine bar kúshin jumsaǵan azamattarǵa turǵyndardyń atynan alǵys bildiremin!», – deıdi Svetlana Býkeeva.