«Habar» arnasyndaǵy «Ana men bala» baǵdarlamasyna qonaqqa kelgen dástúrli ánshi Saǵym Ómirbaı 91 toby týraly pikirin bildirdi, dep habarlaıdy Qamshy.kz aqparat agenttigi. 

Tek maǵynaly ánderdi tyńdaımyn degen 8 jasar Saǵymǵa baǵdarlama júrgizýshisi Qaraqat Ábildına "91" tobyn tyńdaısyń ba?" degen suraǵyna oılanbastan "Joq" dep jaýap berdi.

"Olardyń ánderiniń máni joq jáne erkek bolsa da qyz sıaqty. Qulaqtaryna syrǵa taǵady. Qyz sekildi maıysyp júredi. Jynym keledi!", - deıdi Saǵym.

Birneshe respýblıkalyq baıqaýdyń gran-prı ıegeri erkekter qandaı bolý kerek ekenin de aıtyp berdi.

"Naǵyz er adam shydamdy, salmaqty bolýy tıis. Naǵyz erkektiń boıynda bolý qajet qasıet – sypaıylylyq" deıdi Saǵym.

Ánshi aıtyp ótken krıterıılerge jaýap beretin er adam mektebinde bar ekenin de aıtady.