Osydan on jyl buryn reseılik saıasatker Borıs Nemsovtiń Reseıdiń búgingi jaǵdaıy jaıynda aıtyp ketken vıdeosy áleýmettik jelide taraldy. 2015 jyly oppozısıoner Kremlge jaqyn tusta adam qolynan qaza tapqan edi. Al tiri bolsa, búgin, 12 qazanda 59 jasqa tolar edi. Nemsov aıtqan búgingi Reseıdiń mátini tómendegideı:

«Reseı – Amerıka emes. Pýtın ózin Aq úıde otyrǵandaı sezinedi. Baryp turǵan aqymaqtyq. Bul aqymaqtyǵynyń, qateliginiń túbi nege ákelip soǵady? Birinshiden: qarý. Búginde Reseı qarýǵa 40 mlrd dollar jumsap otyr. Bul memlekettik búdjettiń 20 paıyzyn quraıdy. Aqshany kimnen alady? Zeınetkerlerden, muǵalimderden, dárigerlerden. Osylaısha, Reseıdiń eń basty máselesi – kedeıshilikke ákep soǵady. Meniń anam 100 eýro zeınetaqy alady, páteraqy úshin 70 eýro tólese, 30 kúnde 1 eýrodan jumsaýy tıis bolady. Ol ýaqytta Pýtın qarý shyǵarýmen aınalysyp jatady. Árıne, men anama kómektesemin, bar jaǵdaıyn jasaımyn. Biraq anam sekildi 38 mıllıon adam bar. 25 mıllıon adam kúnine 2 dollarǵa ómir súrip jatyr. 25 mıllıon. Pýtın tankiler men zymyrandar jasaıdy, bul anyq. Ekinshiden, halyqaralyq ızolásıa. Reseı «úlken jetiliktiń» quramynan shyǵady, EO men Reseı arasynda úlken qıyndyqtar týyndaıdy. Senimdimin. Sanksıalar bolady. Bıznes. Batys reseıliń bızneske aralasýdan qalady. Olar reseılik kez kelgen bıznes kózin saıasat dep túsinetin bolady. Máselen, «Gazprom». Reseı arasynda ǵalamshardyń ózge adamdaryna degen meıirim azaıyp, jek kórýshilik qasıet údeıtin bolady. Avtorıtarlyq, dıktatorlyq tendensıalar kúsheıetin bolady. Bul anyq».