Whatsapp-ty Astana qalasynyń qonaqúıleriniń birinde azaptap óltirilgen UQK qyzmetkeri tabyldy degen aqparat sharlap júr. Anyǵyn aıtqanda, qoly kisendeýli ári skochtalynǵan delingen bolatyn. Búginge deıin İİD lám-mım dep aýzyn ashpady. Qysqa-nusqa qaıyrǵandary: «Ústimizdegi jyldyń 16 qazanynda Astanadaǵy «Alanda» qonaqúıinde UQK qyzmetkeriniń múrdesi tabyldy. Eshqandaı azaptaý belgileri baıqalmady». İİD baspasóz qyzmeti osydan basqa eshqandaı aqparatty halyq jarıa ete almaıtyndyqtaryn erekshe atap ótipti. «Qamshy» óz kezeginde UQK-ge, İİM-ge de uzaq qońyraý shaldy. Alaıda halyqty tolǵantqan suraqtar jaýapsyz qaldy. Óıtkeni organdar  telefondaryn kótermeıdi.

«Alanda» qonaqúıine qońyraý shalǵanymyzda resepshindegi menedjer Valerıa qandaı da bir aqparat berýge quqyly emestigin aıtty. Ondaı quqyqqa ıe aǵa menedjer ornynda bolmaı shyqty. «Alanda» qonaqúıiniń tórt juldyzy bar. Demek bul tap-taza, qyzmet kórsetilýi syn kóteretin, elıtalyq deńgeıge sál jetińkiremeıtin elordalyq qonaqúılerdiń biri. Mundaǵy nómirdi táýlikke jalǵa alý 35 000 teńgeden bastalady. Jurttyń jaǵasyn ustatqan jaǵdaıdyń qonaqúıde oryn alýy birinshi ret pe degen suraq menedjerler tarapynan jaýapsyz qaldy.

Bir aıta ketetini, marqumnyń jasy 25-te bolatyn.