Kerch kolejindegi jarylys: 2018 jyly álemde oryn alǵan lańkestik oqıǵalar

    Zhazira Baidaly
    Kerch kolejindegi jarylys: 2018 jyly álemde oryn alǵan lańkestik oqıǵalar

    Álem jarylystar men lańkestik áreketterden áli azat bola qoıǵan joq. Eń sońǵy osyndaı jantúrshigerlik áreket keshe 17 qazan kúni Qyrymnyń Kerch qalasynda oryn aldy. Atalǵan kolejdiń stýdenti Vladıslav Roslákov  oqý ornynda jarylys jasap, artynan ózin-ózi atyp óltirdi. Jarylys pen qylmysker atqan oqtan 19 adam qaza taýyp, 40-tan astam adam jaralandy.

    Osy oqys oqıǵadan keıin qylmysker stýdenttiń áke-sheshesinen jaýap alynýda. 18-20 jastaǵy jandar qaskóıdiń áreketinen  jazyqsyz japa shekti, jaralandy, qyrshyn ketti. Qabyrǵaǵa batatyn aýyr oqıǵa. Basqa bermesin. Jan shoshyrlyq osyndaı aýyr oqıǵalar jıi qaıtalanyp jatsa da,  adamzat odan áli sabaq alǵan joq. Qazir Sevastopolde úsh kúndik qaraly kún  jarıalandy. Árıne, stýdent Vladıslav Roslákov  mundaı áreketke nelikten bardy, munyń barlyǵy da ustazdary men ata-anasynan jaýap alý arqyly anyqtalar. Biraq qyrshyn, baqılyq bolyp ketkenderdi keri qaıtara almaımyz. Ustazdar «Roslákov jaqsy stýdent edi,  onyń jaǵymsyz qylyqtaryn osy ýaqytta deıin baıqaı almadyq» dep jaýap berer. Alaıda ókinishtiń orny tolmaıdy.

    Adam balasy sanasyn ýlaǵan jaǵymsyz aǵymdardan arylmaı, osyndaı oqıǵalar jıi qaıtalana beredi. Bul birinshi ret emes, osydan eki aı ǵana buryn Pákistannyń Belýjıstan provınsıasynyń Kvetta qalasynda lańkes saılaý ýchaskesinde jarylys jasady. 28 adam qaıtys bolyp,  avtomattan atylǵan oqtan 30-ǵa jýyq adam aýyr jaraqat aldy. 25 shilde kúni Sırıanyń ońtústigindegi Es-Sýveıda qalasynda lańkestik árekettiń saldarynan 38 adam qurban bolyp, 30 adam jaralandy. Mundaı aýyr oqıǵalardy tize bersek, odan ary jalǵasa beredi. Kabýl qalasynyń  Hamıd Karzaı atyndaǵy áýejaıda syrtta qýǵynda júrgen Abdýl-Rashıd Dýstýmdy kútip alý kezinde de eshkim kútpegen jarylys bolyp, 23 adam baqılyq boldy. 107 adam jaralandy, olardyń birqatary keıinnen esin jınaı almaı, kóz jumdy.

    13 shilde kúni taǵy da Pákstannyń Peshavar provınsıasynda saılaýaldy jıyn sátinde lańkestik árekettiń saldarynan 149 adam baqılyq bolyp, 186 adam aýyr jaraqattandy.  10 shilde kúni Peshavar qalasynda Haıber-Pahtýnhva provınsıasynda bolǵan jarylystan Ulttyq partıanyń basshysy Harýn Bıler men onyń uly Danıal Bılýr kóz jumdy. Terakt 22 adamnyń ómirin jalmap, 60 adam ártúrli dárejede jaraqat aldy.

    1 shilde kúni de Aýǵanstannyń Nangarhar ákimshilik ortalyǵynda 19 adam baqılyq boldy. Jarylystyń saldarynan 230 adam jedel túrde aýrýhanaǵa jatqyzyldy.

    Jalpy álemdik tarıhqa kóz salar bolsaq, teraktilerdiń birsypyrasy parlamenttik nemese prezıdenttik saılaý kezinde bolatynyn baıqaımyz. Bul endi qarsylasty joldan taıdyrý nemese onyń kózin qurtý úshin jasalǵan áreket ekenin baıqaýǵa bolady. Bul anyǵyn aıtqanda, demokratıalyq órkenıetten tys, qylmystyq jáne lańkestik orny tolmas aýyr  oqıǵaǵa ulasatyn jaǵdaı.

    Buǵan mysal keltirer bolsaq, bıylǵy jyldyń 23 maýsymynda Zımbabbe prezıdentiniń saılaýaldy kampanıasy kezinde jarylystyń saldarynan

    10 adam baqılyq bolyp, 49 adam japa shekti.

    23 maýsym kúni Efıofıa premer-mınıstriniń  halyqpen kezdesýinde laqtyrylǵan granatanyń saldarynan 2 adam kóz jumdy, 156 adam aýrýhanaǵa jatqyzyldy.

     Endi álemniń ár elinde oryn alǵan lańkestik oqıǵalardy odan ary keste túrinde tizbelesek...

     

     

    Kúni

    Memleket, qala

    Qaıtys bolǵandar

    Jaralanǵandar

    1

    17 maýsym

    Aýǵanstan, Djelalabad

    25 adam 

     

    50 adam

    2

    17 maýsym

    Nıgerıa, Damboa

    21 adam

    2 adam

    3

    16 maýsym

    Aýǵanstan, Nangarhar

    26 adam

    50 adam

    4

    7 maýsym

    Irak, Baǵdad

    20 adam

    110 adam

    5

    6 mamyr

    Aýǵanstan, Host

    17 adam

    34 adam

    6

    30 sáýir

    Aýǵanstan, Kabýl

    29 adam

    40 adam

    7

    22 sáýir

    Aýǵanstan, Kabýl

    57 adam

    119 adam

    8

    21 naýryz

    Aýǵanstan, Álı abad

    29 adam

    52 adam

    9

    2 naýryz

    Býkıno-Faso, Ývgadýgý

    8 adam

    80 adam

    10

    23 aqpan

    Somalı, Mogadısho

    38 adam

    20 adam

    11

    27 qańtar

    Aýǵanstan, Kabýl

    95 adam

    158 adam

    12

    23 qańtar

    Lıvıa, Bengazı

    41 adam

    80 adam

    13

     

    15 qańtar

    Irak, Baǵdad

    26 adam

    95 adam

    14

    4 qańtar

    Aýǵanstan, Kabýl

    20 adam

    30 adam


    Berik Beısenuly

    Qatysty Maqalalar