Qaraǵandy emhanalarynda sumdyq jaǵdaı boldy, dep habarlaıdy 31 arna. Bes jasar balany súndetke otyrǵyzbaqshy bolǵan dáriger baıqaýsyzda jynys múshesiniń basyn qosa kesip tastaǵan. Balanyń anasy óz isine salǵyrt qaraǵan dárigerlerdi medısına salasynan alastatylýyn talap etýde. Aq halattylardyń kesirinen saý balam múgedek bolyp qaldy dep áıel shyryldap otyr. Nana ózin de, balasyn da kameraǵa túsirmeýge ótindi. Otaǵasy jýyrda ıslam dinin qabyldap, eki balasymen birge ózi de súndetke otyrmaqshy bolǵan. Birinshi balasyna ota sátti jasalǵanymen, ekinshi ulyn esiktiń syrtynda jarty saǵat kútedi. NANA, ANASY: -Jarty saǵat kúttik. Hırýrg eshteńe aıtpady. Jedel járdem shaqyryp basqa emhanaǵa alyp ketti. Tórt saǵat operasıa jasady. Sodan keıin baryp biraq bildik, basyn biraq kesip tastapty. Budan keıin de balaǵa birneshe ret ota jasaldy. Biraq jarasy ústi-ústine asqynyp ketken kerisinshe. Sheshesi bolsa, óz isine salǵyrt qaraǵan mamandardyń jazalanbaǵanyna qapaly. Óıtkeni naqty aıǵaqtar bolsa da, arnaıy qurylǵan komısıa raqymshylyq zańyna sáıkes, barlyq áreketin aqtap shyqty-deıdi. Al, emhana basshylyǵy bolsa, kim qatelespeıdi, mamandarymyzdyń biliktigi joǵary dep ózderine shań jýytar emes. MARGARITA ZASÝHINA, №4-QARAǴANDY QALALYQ EMHANA DIREKTORYNYŃ ORYNBASARY: -Onyń kásibı biliktiligi joǵary. Tájirıbeli hırýrg. Túsinińizder. Degenmen qatelik bárinde bolady ǵoı. Sol qateliktiń kesirinen bala múgedek bolyp otyr endi. Al, Emhana basshylyǵy kináli dárigerge jaza qoldandyq deıdi. Aıtyp otyrǵan jazalary bir aılyq syıaqydan taıdyrypty. Jalaqydan da emes. Degenmen, ata-anany ol emes, balasynyń keleshegi alańdatady. NIKOLAI SKRYL, HIRÝRG-ÝROLOG: Shetelde ota jasaýǵa bolady. Biraq onyń ózinde bala óskende, bedeýlikke alyp kelýi múmkin. Óıtkeni aǵza jetilgen kúnniń ózinde tabıǵı jolmen uryqtanýǵa qabiletsiz bolady. Quny 12 myń dollar turatyn mundaı plasıkalyq operasıanyń túri Túrkıada ǵana jasalatyn kórinedi. Otbasynyń oǵan jaǵdaıy kelmeıdi. Amaly taýsylǵan ata-ana endi emhananyń ózin sotqa berip, materıaldyq jáne moraldyq ótemaqy talap etpek. Maqsat Tolyqbaı, Lúdmıla Batúshkına.

baq.kz