Ortalyq komýnıkasıa qyzmetinde ótken baspasóz máslıhaty barysynda «Nurly jer» baǵdarlamasy aıasynda talqylandy. Baǵdarlamanyń júzege asyrylýy jáne 8 aıdaǵy jetistikter jaıynda QR ınvestısıa jáne damý mınıstri Jeńis Qasymbek aıtyp berdi.

Qurylys boıynsha jospar 64 prosentke oryndaldy

«Nurly jer» aıasynda jyl bastalǵaly 7,7 mln sharshy metrdi quraıtyn turǵyn úı eksplýatasıaǵa berildi. Jeńis Qasymbektiń aıtýynsha, bıyl 7,7 mln sharshy metrdi quraıtyn páter eksplýatasıaǵa berilip, jyldyq jospardyń 64 paıyzy oryndaldy.

Kóppáterli turǵyn úı qurylysynyń ósimi

Spıkerdiń sózine qaraǵanda, turǵyn úı baǵdarlamasyn júzege asyrý men nesıeleý boıynsha jeńildikter usyný arqyly turǵyn úı qurylysy ınvestısıasynyń ósimi baıqalady.

«8 aıdyń qorytyndysyna sáıkes, 702 mlrd teńge qarajat jumsaldy. Byltyrǵy kórsetkishten 31 prosentke artty. Respýblıka boıynsha 67 055 turǵyn úı berildi, sonymen qatar 26 665 jeke úı de bar», - dedi Jeńis Qasymbek.

 «Turǵyn úı qurylys jınaq banki» arqyly beriletin kredıttik turǵyn úı

2 jylǵa tolar-tolmas ýaqytta 18 500 páter berildi, buǵan qosa bıylǵy jyldyń 8 aıynda 1970 páter ótken.

«Ákimdikter salyp jatqan qurylys kredıttik turǵyn úılerdiń qoljetimdi bolýyn nıet etti. Bir sharshy metri 140-180 myń teńge bolatyn bolady. Satyp alýshylar turǵyn úı qurylys jınaq júıesine salymshy bolyp tabylady. Olardyń jartysy – ákimdikterdegi tólem jasaýǵa múmkindigi bar kezekte turǵan azamattar. Bul mehanızm qazaqstandyqtar arasynda úlken suranysqa ıe – alǵashqy tólemniń tómen baǵasy, mınımaldy ústeme baǵalar. «Turǵyn úı qurylys jınaq bankine» tıisti qarajattyń 50 prosentin jınaǵan ýaqytta nesıe jyldyq 4 prosent ústememen beriledi, bul tıisinshe qoljetimdi. Sonymen qatar aldyn-ala jáne aralyq qaryzdarda da qarastyrylǵan», - dedi mınıstr.

Mınıstrdiń sózine sensek, búginde jınaq mólsheri 30 paıyzǵa azaıǵan, al tabysy turaqty bizdiń búdjettikter, muǵalimder, dárigerler, memlekettik qyzmetkerler qurylys jınaq banki arqyly páterge qol jetkize alatyn múmkindikke ıe boldy.

Bıyl 8 aıdyń ishinde «Nurly jer» jaldamaly turǵyn úı baǵdarlamasy aıasynda 922 páter berildi.

Jaldamaly páterlerdiń sany artqan

Satyp alýǵa bolmaıtyn jaldamaly páterlerdiń qurylysy – «Nurly jer» baǵdarlamasynyń 4 baǵytynyń biri.

«Nebári 2 jylda 6182 jaldamaly páterdi ótkizý josparlanǵan. Búgingi kúni 3542 páter berildi, 8 aıda 922 páter ótkizdik», - dedi Jeńis Qasymbek.

Rekord jańartqan eń tómengi baǵalar

Bir sharshy metri 120 myń teńge turatyn eń arzan baǵadaǵy turǵyn úı – 14 oblysta da júzege asyrylýy tıis aldaǵy jospar.

«Biryńǵaı arhıtektýralyq stıldegi páterlerdi turǵyzý boıynsha pılottyq jospardy júzege asyrý jalǵasyp keledi. Bir sharshy metri – 120 myń teńge. Aıta ketý kerek, qurylys barysynda otandyq qurylys materıaldary qoldanylady. Jalpy pılottyq úılerdiń sany 2 myńǵa jýyq, 2017 jyly 184 úı berildi», - dedi damý jáne ınvestısıa mınıstri.

Mınıstrdiń aıtýynsha, pılottyq úılerdiń 353-i Aqtóbe oblysynda, 200-i Soltústik Qazaqstan oblysynda, Qostanaı oblysynda 219, Jambylda 565, Almatyda 202 jáne OQO-da 166 úı bar.

Túıin

Sózin qorytyndylaı kele, Jeńis Qasymbek Elbasynyń Joldaýy barysynda aıtqan tapsyrmasyn eske salyp ótti. Nursultan Nazarbaev óz Jolaýynda 2030 jylǵa deıin bir adam 30 sharshy metr pátermen qamtamasyz etiletindeı dárejege jetkizý kerektigin tapsyrdy.

Aıta keteıik, «Nurly jer» baǵdarlamasyna qatysamyn degen azamattar halyqqa qyzmet kórsetý ortalyǵyna ótinish berýi qajet. Odan keıin ákimdiktiń kezegine turady.

Baıaǵdarlama aıasynda soǵys ardagerlerine, jetimderge, áleýmettik jaǵynan az qamtylǵandarǵa jáne memlekettik qyzmetkerlerge basymdyq beriledi. Olar da ótinish jazyp, kezekke turýy tıis.

Atalǵan sanattaǵy adamǵa jatsańyz da, «Nurly jer» baǵdarlamasymen baspana alý úshin birneshe talapqa saı kelýińiz shart.

Birinshiden, sońǵy bes jylda atyńyzda baspana bolmaýy kerek. Ekinshiden, Astana men Almatyda eń kemi eki-úsh jyl tirkeýde turǵan bolýyńyz qajet.

«Nurly jer» baǵdarlamasy boıynsha ıpotekalyq turǵyn úı jyldyq mólsherlemesi 10 paıyz jeńildikpen beriledi. Ol úshin mynadaı kezeńderden ótesiz:

Birinshi qadam: Bankke qaryz jónindegi qujatty jáne sýbsıdıa alý úshin jazǵan aryzyńyzdy kórsetesiz. Qajetti qujat tizimin bankten bile alasyz.

Ekinshi qadam: Bank kepildemeńiz men tólem júrgizý qabiletińizdi tekseredi.

Úshinshi qadam: Eger Bank sizdiń ótinishińizdi qabyl etse, 3 jumys kúni ishinde Qazaqstan ıpotekalyq kompanıasyna sýbsıdıany berý týraly qoldaýhatyn (hodataıstvo) jiberedi.

Tórtinshi qadam: Qazaqstan ıpotekalyq kompanıasy 5 jumys kúni ishinde qujattaryńyzdy tekseredi.

Besinshi qadam: Qazaqstan ıpotekalyq kompanıasy 5 jumys kúni ishinde Bankke qabyldaǵan sheshimi jóninde jazbasha jaýap jiberedi.

Altynshy qadam: Bank Qazaqstan ıpotekalyq kompanıasynyń qabyldaǵan sheshimi negizinde sizben kelisimshartqa otyrady, ıpotekalyq kelisim, tólem kestesi qurylady, eki tarap sýbsıdıalaý kelisimine qol qoıady da, ony Qazaqstan ıpotekalyq kompanıasyna jóneltedi. Kelisimshartqa qol qoıǵannan keıin Qazaqstan ıpotekalyq kompanıasy 2 jumys kúni ishinde Bankke kelisimsharttyń eki danasyn jiberedi. Onyń birin Bank sizge beredi.

Jetinshi qadam: Kelisimshart qol qoıǵan kúnnen bastap kúshine enedi. Siz «Nurly jer» baǵdarlamasy boıynsha jeńildikpen ıpoteka alasyz.

Nurly jer» baǵdarlamasy negizgi 5 mindetti iske asyrý arqyly halyqtyń turǵyn úı máselesin keshendi sheshýge baǵyttalǵan:

Halyqtyń áleýmettik jaǵynan osal toptary úshin jalǵa beriletin turǵyn úı qoryn qurý.

Jeke turǵyn úı qurylysyn damytý.

Turǵyn úı qurylys jınaqtary júıesi arqyly ótkiziletin kredıttik turǵyn úı salý.

Jeke qurylys salýshylardy turǵyn úı salýǵa yntalandyrý.

Ipotekalyq kredıt berýdiń qoljetimdigin arttyrý.