8 tamyz kúni Almaty qalasy Kópsalaly kolejinde, Almaty qalasy Óńirlik komýnıkasıalar qyzmetiniń uıymdastyrýymen «Qalalyq kolejderdegi quzyrettilik ortalyqtarynyń jumysyn kórsetý» taqyrybynda baspasóz týry ótti. İs-sharaǵa qala kolejderiniń oqytýshylary, stýdentteri, sondaı-aq buqaralyq aqparat quraldarynyń ókilderi qatysty. Baspasóz týrynyń maqsaty – tehnıkalyq jáne kásiptik bilim berý uıymdaryndaǵy zamanaýı quzyrettilik ortalyqtarynyń múmkindikterin kórsetý, tájirıbe almasý jáne dýaldy oqytý júıesiniń tıimdiligin nasıhattaý.
Almaty qalasy Kópsalaly koleji – elimizdegi óz salasynda jetekshi jáne bedeldi oqý oryndarynyń biri. Kolejdiń basty ereksheligi – stýdentter men oqytýshylarǵa tek teorıalyq bilim berip qana qoımaı, halyqaralyq deńgeıde tájirıbeden ótýge jaǵdaı jasaýy. Sońǵy jyldary bilim alýshylar Qytaı, Germanıa, AQSH jáne basqa da shet memleketterdegi oqý oryndary men óndiris oryndarynda bilimin jetildirýde. Mundaı múmkindikter jastardyń kásibı sheberligin arttyryp qana qoımaı, halyqaralyq eńbek naryǵynda básekege qabiletti bolýyna yqpal etedi.
Vıdeodaǵy keıipkerimiz – Sholpan, kólik qyzmeti salasynda TMD boıynsha tanymal áıel mamandardyń biri. Bul salada áıelderdiń az bolýyna qaramastan, Sholpan óziniń eńbegi men tabandylyǵy arqyly kásibı ortada laıyqty bedelge ıe bolǵan. Onyń aıtýynsha, 2023 jyly ol Germanıaǵa baryp, úsh apta boıy halyqaralyq standarttarǵa saı oqytý jáne óndiristik tájirıbeden ótken. Bul sapar onyń kásibı bilimin arttyryp, sheteldik ozyq tehnologıalarmen tanysýyna múmkindik berdi.
Aldaǵy baspasóz týry barysynda qonaqtar kolejdiń oqý-óndiristik sheberhanalaryn aralap, stýdentterdiń praktıkalyq daǵdylaryn meńgerý barysymen tanysty. Sonymen qatar, qatysýshylarǵa kolejdiń halyqaralyq seriktestik baǵdarlamalary men túlekterdiń tabysty eńbek joldary týraly aqparat usynylady.
