Digital-dáýir ıgiliginiń biri – «alystan habar alǵyzǵan» messendjerler edi. Búgingi kúni turmys-saltymyzǵa sińip ketken WhatsApp, Telegram jáne Facebook, Instagram, TikTok dırektileriniń qoldanys aıasy tarylýy múmkin. Sebep – ulttyq messendjerdiń aınalymǵa qosylýy jáne ony Memleket basshysynyń qoldaýy. 

Jasandy ıntellekttiń keń qoldanyla bastaýynan týyndaıtyn qaýip-qaterdiń aldyn alý, retteý sharalaryn júıeleý maqsatynda ótken jıynda Prezıdent álem elderiniń tájirıbesine súıenip, jumysty jedeldetý kerektigin aıtty. 

Memleket basshysy jasandy ıntellekt máseleleri boıynsha daıyndalyp jatqan zań jobasy jaýapkershilikti, qaýipsizdikti qamtamasyz etip, sondaı-aq, kásipkerler men tutynýshylardyń da oıynan shyǵýy qajet ekenin jetkizdi.

Prezıdent kıberqaýipsizdi qamtamasyz etýge kedergi bolatyn faktorlardy joıýdy jáne qorǵalǵan komýnıkasıanyń qoljetimdiligin arttyrýda tapsyrdy.

«Úkimet jeke derekterdi jınaıtyn barlyq komýnıkasıa túrlerin qorǵalǵan ulttyq messendjerge kóshirý máselesin pysyqtaýy kerek», - dedi ol.

Aldaǵy ýaqytta Memleket basshysy usynǵan Aitu qoldanýshylary jedel artýyn baıqaýymyz yqtımal. Al atalǵan messendjerdiń tolyq qorǵaý talaptaryna jaýap beretinin jáne derbes derekterdiń qandaı da bir qolsuǵýshylyqqa ushyramaıtynyn dáleldeıtin aqparattyq-túsindirý jumystary jedel qolǵa alynsa quba-qup.