Polsha «tyńshy» degen kúdikpen dıplomatıalyq mártebesi bar Qazaqstan azamatyn tutqyndady, dep habarlaıdy KazTag.
Ustalǵan dıplomat Qazaqstannyń Ýkraınadaǵy elshiliginde áskerı attashe (áskerı dıplomatıalyq ókil –Red.) kómekshisi bolyp qyzmet atqarǵan.
Polshanyń ishki qaýipsizdik qyzmeti ustalǵan azamattyń eldiń qaýipsizdigine nuqsan keltiretin qupıa málimetterdi jınaǵanyn habarlady. Budan bólek NATO alánsynyń áskerı ınfraqurylymyna qatysty aqparattardy astyrtyn jolmen qolǵa túsirmek bolǵan.
1 tamyzda Varshava aýdandyq soty kúdiktige qatysty úsh aı merzimge qamaýǵa alý túrindegi bultartpaý sharasyn qoldandy. Qazaqstan bıligi atalǵan jaǵdaıǵa qatysty resmı málimdeme jasamady.
