Ekinshi dúnıejúzilik soǵys biter kezde antıgıtlerlik koalısıa tarapynan bastama kóterilip, 1945 jyly 26 maýsymda bul uıymnyń jarǵysy qabyldansa, 24 qazanda kúshine engen bolatyn. Álemdegi barlyq elder teń dárejede birigip, jumys isteýge shaqyrǵan BUU-da búgingi tańda 193 memleket múshe.

Ókinishke qaraı, aınaldyrǵan 5-6 memleket osy uıymdy ashsa alaqanynda, jumsa judyryqtarynda ustap, tek qana óz múddelerine paıdalanyp otyr. Qalǵan elderdiń úni asa shyǵa qoımaıdy. Mýamar Kaddafı kezinde "BUU Jarǵysy nege saqtalmaıdy?" dep óz synyn aıtyp edi. Onyń jaǵdaıy ne bolǵany túsinikti.

Aty bar da, zaty joq halyqaralyq uıym sol kezde soǵystan tıtyqtaǵan álem halyqtaryna "budan bylaı soǵys pen qaqtyǵystar bolmaıdy" dep sendirgen edi. Bárimizge málim, odan keıin Koreı túbeginde. Vıetnamda, Aýǵanstanda jáne de basqa da kóptegen elderde qatty qantógister bolǵan soǵystar ótti. Adamzat áli kúnge deıin osy qyrǵı-qabaq soǵys jaǵdaıynda ómir súrip kele jatyr jáne alpaýyt elderdiń aldynda BUU  dármensizdigin kórsetýde.

Serikqazy Kókenaı