Túrkıa prezıdenti Rejep Taıyp Erdoǵan Saýd Arabıasynyń opozısıalyq jýrnalısi Jamal Hashoggıdi óltirý operasıasynyń birneshe kún buryn josparlanǵanyn málimdedi dep jazady Qamshy.kz aqparat agenttigi Azattyqqa silteme jasap.
23 qazan kúni parlamentte sóılegen Erdoǵan Saýd Arabıasynyń agentteri Túrkıaǵa Hashoggıdi óltiretinnen bir kún buryn kelgenin aıtty.
Er-Rıadtyń saıasatyn synaıtyn, Washington Post basylymymen jumys istesken jýrnalıs Jamal Hashoggı 2 qazan kúni Stambýldaǵy Saýd Arabıasynyń konsýldyǵyna nekege turý qujatyn almaq bolyp barǵan soń joǵalyp ketken.
Erdoǵannyń aıtýynsha, sol kúni Saýd Arabıasynan 15 adamnan quralǵan arnaıy top kelip, olardyń úsheýi Stambýldaǵy Belgrad ormanyn barlap qaıtýǵa barǵan.
Birneshe apta boıy Hashoggıdiń taǵdyryna qatysty túrli boljam aıtylyp, 19 qazan kúni Saýd Arabıasynyń bıligi onyń «konsýldyqta bolǵan «tóbeleste» qaza tapqanyn málimdegen.
Erdoǵan Saýd Arabıasynyń bıligi jýrnalısi óltirýdi josparlaǵandardy shenine qaramastan jarıa etýi tıistigin málimdep, kúdiktilerdi Stambulda sottaýǵa shaqyrdy.
Túrkıa prezıdenti qylmyskerler Hashoggıdi «qatygezdikpen óltirgenin» aıtyp, bul isti jabýly kúıde qaldyrýǵa bolmaıtynyn málimdedi.
Pikir qaldyrý