25 qazan Parlament senatynyń plenarlyq otyrysynda Qazaqstan, Túrkimenstan jáne Ózbekstan memleketteri arasyndaǵy shekaranyń túıisý núktesi bekitildi, dep habarlaıdy Qamshy.kz aqparat agenttigi.

Otyrysta «Qazaqstan Respýblıkasy, Túrkimenstan jáne Ózbekstan Respýblıkasy arasyndaǵy úsh memlekettiń memlekettik shekaralarynyń túıisý núktesi boıynsha Shartty ratıfıkasıalaý týraly» Zań qabyldandy.

Kelisimge sáıkes úsh memlekettiń memlekettik shekaralarynyń túıisý núktesi Ústirt qyratynyń aýmaǵynda ornalasqan. Bir aıta keterligi, kelisimniń merzimi shektelmegen jáne kúshin joıýǵa kelmeıdi.

«Ratıfıkasıa men kelisim kúshine engen jaǵdaıda Qazaqstannyń Túrkimenstan jáne Ózbekstanmen shekarasynyń túıisý núktesin anyqtaý prosesi aıaqtalady; túıisý aımaqtarynda týyndaýy múmkin daýly jaǵdaılardyń aldyn alady; memlekettiń ulttyq qaýipsizdigin qamtamasyz etedi», - dedi QR syrtqy ister mınıstri Qaırat Ábdirahmanov.

Mınıstrdiń sózinshe bul kelisim Qazaqstannyń memlekettik shekarasyn bekitetin sońǵy qujat bolmaq.