​«Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» KeAQ sheteldik úzdik anımasıalyq fılmge qazaq tilinde kásibı dýbláj jasaıtyn kompanıalarǵa  baıqaý jarıalaıdy, dep habarlaıdy Qamshy.kz aqparat agenttigi. 

«Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» KeAQ sheteldik úzdik anımasıalyq fılmge qazaq tilinde kásibı dýbláj jasaıtyn kompanıalarǵa baıqaý jarıalaıdy.

Baıqaýdyń maqsaty - «Qazaq tili álipbıin kırıllısadan latyn grafıkasyna kóshirý týraly» Qazaqstan Respýblıkasy Prezıdentiniń 2017 jylǵy 26 qazandaǵy № 569 Jarlyǵyn júzege asyrý, qazaq tili álipbıin latyn grafıkasyna 2025 jylǵa deıin kezeń-kezeńmen kóshirý jónindegi is-sharalar josparyn bekitý týraly QR Premer-Mınıstriniń Ókimin oryndaý.

Sheteldik úzdik anımasıalyq fılmdi qazaq tilinde dýblájdaý jáne latyn grafıkasy negizindegi qazaq tili álipbıinde sýbtıtr berý;

Dýblájdalǵan anımasıany BAQ jáne áleýmettik jelilerde keńinen nasıhattaý, ornalastyrý;

Memlekettik tildi keńinen nasıhattaý, latyn grafıkasyndaǵy qazaq álipbıin sýbtıtrmen berý arqyly balalarǵa latyn álipbıin úıretý.

Baıqaýǵa qoıylatyn talaptar:

Anımasıa arnaıy jabdyqtalǵan stýdıada dybystalýy kerek. Stýdıanyń sheteldik anımasıalyq fılmderdi dybystaýda tájirıbesi keminde 3 jyl bolýy shart. Sheteldik anımasıalyq fılm qazaq tilinde dybystalady (dýbláj).

Anımasıalyq fılmde jańa bekitilgen latyn grafıkasyna negizdelgen qazaq tili álipbıimen jazylǵan sýbtıtr beriledi. Sýbtıtr beriletin tús (anyq bolýy shart) anımasıalyq fılmniń kórinisimen úılesýi qajet.

Respýblıkalyq telearnada kórsetiledi.

BAQ-ta jáne áleýmettik jelilerde nasıhattaý jumysy qarqyndy júrgiziledi.

Dýblájdy júzege asyrý merzimi 2018 jyldyń 10 jeltoqsanyna deıin.

Dýbláj jasalatyn fılmniń ataýy, sınopsıs (prezentasıa túrinde) jáne baǵalyq usynysty, múmkin bolsa, qyzmet kórsetý kestesin kórsetilgen mekenjaıǵa tikeleı nemese poshta arqyly joldanady.

Kompanıanyń sheteldik úzdik anımasıalyq fılmdi dýbláj jasaýǵa jáne telearnalarda ornalastyrýǵa lısenzıasy bolýy shart.

Usynystar tómendegi mekenjaı boıynsha qabyldanady.

Astana qalasy Syǵanaq kóshesi, 25, «Ańsar» bıznes ortalyǵy, 2-qabat «Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» KeAQ.

Baıqaýǵa qatysýǵa ótinimderdi qabyldaýdyń sońǵy merzimi: 
2018 jyldyń 31 qazanynda saǵat 18:00-ge deıin (Astana ýaqyty boıynsha).

Baıqaýǵa qatysýǵa ótinim baıqaýdy uıymdastyrýshyǵa mórlengen konvertte kelesi kórsetilgen aqparatpen beriledi:

-Baıqaýǵa qatysýshynyń ataýy men baılanys aqparaty;

-Baıqaýdy uıymdastyrýshynyń ataýy men baılanys aqparaty;

-Baıqaýdyń ataýy.

Eskertý!

Qujattary tolyq emes, kórsetilgen merzimnen kesh usynylǵan jobalar qabyldanbaıdy. Materıaldardy irikteý jáne saraptamalyq keńeske usyný «Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» KeAQ quziretinde.

Suraqtar boıynsha 8(7172) 27-71-33 nómirine (tilalemi.kz@gmail.com) habarlasyńyz.