Áleýmettik jelide Helloýın merekesindegi jantúrshigerlik jaıttyń vıdeosy paıda boldy dep jazady Qamshy.kz aqparat agenttigi zakon.kz saıtynyń deregin negizge alyp. Atalmysh vıdeoda akter asylyp turǵan adamnyń rólin somdamaq bolǵan. Kýágerlerdiń aıtýy boıynsha, akter sol jerde jan tapsyrǵan.
Bul jaıt "TSB" klýbynda oryn aldy degen beıresmı derek bar. Akter qaýipsizdik erejesi saqtalmaǵandyqtan qaıtys bolǵan. Keıinnen ınfarktan jan tapsyrdy degen derek paıda boldy.
"Bul qazaqstandyq kaskader Qasym Jumaǵojınniń qaıtys bolǵan sáti. Adamdar kóz aldynda qaıtys bolǵan adamdy kórmegen. Klýbqa kelýshilerge tek oıyn-kúlki bolsa jetkilikti, basqasyna bas qatyrǵysy kelmeıdi", dep jazǵan áleýmettik jelini qoldanýshylardyń biri.
3 qarashanyń tańerteńinde qazaqstandyq kaskader Qasym Jumaǵojınniń qaıtys bolǵany belgili boldy.
Atalmysh jaıt týraly quzyrly organdar eshqandaı pikir bildirmedi.