Tanymal qazaqstandyq kaskader Qasym Jumaǵojın qaıtys boldy dep jazady Qamshy.kz aqparat agenttigi. 34 jastaǵy Qasym Jumaǵojınniń neden qaıtys bolǵany belgisiz. 

«Biz úshin aýyr qaıǵy. Qaıtys bolǵanyn búgin kúndiz estidik. Qasymnyń týǵan týystaryna qaıǵyryp kóńil aıtamyz» dedi Evgenıa Lı. 

Qasym Jumaǵojın gımnastıka, taekvondo, tramplıng, rechet, at akrobatıkasy, fehtovanıe, sadaq atý syndy sporttyń birneshe túrin meńgergen. Sportty gımnastıka boıynsha sport sheberi. Ol Ijevskte ótken, sırk ónerine arnalǵan halyqaralyq festıválǵa qatysyp, “Altyn aıý” mártebesin ıelengen.

Qasym Jumaǵojın kaskaderlik jolyn 2005 jyly «Kóshpendiler» fılminen bastaǵan. Keıinnen kóptegen otandyq fılmdermen qatar sheteldik fılmderge de túsken. 

• «Volkodav ız roda Seryh psov» (2006), rejıser Nıkolaı Lebedev (Reseı);
• «Mech Mahambeta» (2006), rejıseri Slambek Táýekel (Qazaqstan);
• «Kod apokalıpsısa» (2007), rejıser Vadım Shmelev (Rossıa);
• «Reketır» (2007), rejıseri Aqan Sataev (Qazaqstan);
• «Mustafa Shoqaı» (2008), rejıseri Satybaldy Narymbetov (Kazahstan);
• «Proshaı, Gýlsary!» (2008), rejıseri Ardaq Ámirqulov (Qazaqstan);
• «Seker» (2009), rejıseri Sábıt Qurmanbekov (Qazaqstan);
• «Baıqońyr» (2011), rejıseri Faıt Helmer (Reseı, Germanıa, Qazaqstan);
• «Konan — Varvar» (2011), rejıser Markýs Nıspel (SSHA);
• «Sem maıskıh dneı» (2011), rejıser Ermek Tursynov (Qazaqstan, Reseı);
• «Vendetta po-rýsskı» (2011), serıal, rejıser Oleg Týranskıı (Reseı);
• «Jaýjýrek myń bala» (2012), rejıseri Aqan Sataev (Qazaqstan);
• «Neýderjımye-2» (2012), rejıser Saımon Ýest (SSHA);
• «Djoker» (2013), rejıseri Talgat Jánibekov (Qazaqstan);
• «47 ronınov» (2013), rejıser Karl Rınsh (SSHA);
• «Ograblenıe po-kazahskı» (2014), rejıseri Qaıyrjan Orynbekov (Qazaqstan);
• «Marko Polo» (2014), serıal, 1 sezon, rejısery Devıd Petrarka, Djon Meıberı, Danıel Mınahan (SSHA);
• «Ves mır ý nashıh nog» (2015), rejıseri Salamat Muhammed-Álı (Qazaqstan, SSHA);
• «Anaǵa aparar jol» (2016), rejıseri Aqan Sataev (Qazaqstan);
• «Vıkıng» (2016), rejıser Andreı Kravchýk (Reseı);
• «Kolovrat» (2017), rejıser Ivan Shýrhoveskıı (Reseı);
• «Tobol» (2018), rejıser Igor Zaısev (Reseı);
• «Balýan Sholaq» (2018), rejıseri Nurgeldi Sádiǵulov (Qazaqstan).