Aǵylshyn ǵalymdary ótken aptanyń sońynda nazar aýdararlyq derekterdi jarıa etti. Olardyń zertteýine qaraǵanda, jastardyń kópshiligi jazda, ıaǵnı, maýsym-tamyz aılarynda, al qarttar qys  aılarynda ómirden ótedi eken. Munyń sebebi nede? 

Zertteý barysy kórsetkendeı, jastardyń kóbisi jol-kólik oqıǵasy, sondaı –aq ártúrli jaraqattardan qaıtys bolatyn kórinedi. Al qarttardyń baqılyq bolýynyń sebebi nede? Munyń sebebin ǵalymdar qart kisilerdiń qys aılarynda turaqty túrde qozatyn syrqatynyń asqynýynan kóredi. Mamandar 1980-2016 jyldary qaıtys bolǵan  100 myńnan asa adamnyń qaıtys bolý sebepterin  zerttep kórgen. Málim bolǵanyndaı, 45 jastan asqan adamdar negizinen jeltoqsan, qańtar jáne aqpan aılarynda qaıtys bolǵan. Al bul kórsetkish ásirese, jaz aılarynda kúrt azaıatyn kórinedi. Al kerisinshe, 5 pen 34 jastaǵylardyń baqılyq bolýy  shilde men tamyz aılarynda kúrt kóbeıedi eken. Jastaı ketkender negizinen áıel, meıli erkek bolsyn, olar ártúrli jaraqat pen tosyn apat pen túrli oqys oqıǵalar men júrek aýrýynan qaza tabady. Densaýlyqqa nazar aýdarmaı júrýdiń de saldary osyndaı ókinishti jaǵdaılarǵa ákep soǵady eken.

Sondyqtan da mamandar jyldyń qaı mezgili bolsyn, qashanda saqtanyp júrýdi eskertedi.