Eske alý monýmenti qutqarýshylar merekesi qarsańyńda saltanatty túrde ashyldy. Ol Aqtaý qalasyn qorǵaýǵa arnalǵan №1 arnaıy mamandandyrylǵan órt sóndirý bóliminiń aýmaǵyna qoıyldy. Bul jóninde Mańǵystaý oblysy TJD Órt sóndirý jáne avarıalyq-qutqarý jumystary qyzmetiniń memlekettik til jáne aqparat toby habarlady.
Saltanatty jıynǵa qyzmetkerler, azamattyq qorǵaý ardagerleri men qalalyq bılik ókilderi, qaza tapqan órt sóndirýshilerdiń týystary men jaqyndary qatysty.
«Bizdiń ómirimizdi jáne múligimizdi saqtaıtyn, búkil ómir boıy bizdiń gúldenýimiz úshin kúresetin órt sóndirýshilerdi biz erekshe qurmetteımiz jáne qazir janymyzda joq bolsa da júregimizde qalǵan, ómirden ótken órt sóndirýshilerdiń jaqyndary men týystaryna bas ıemiz», - dedi oblys ákiminiń birinshi orynbasary Serik Qaleshuly.
Al Mańǵystaý oblysy Tótenshe jaǵdaılar departamentiniń bastyǵy, azamattyq qorǵaý polkovnıgi Qýanar Bekenuly Bazarbaev óz sózinde «Osy eskertkishtiń ashylýymen ýaqytty, tarıhymyzdyń sabaqtastyǵyn qalpyna keltiremiz. Biz ben siz úshin, eń birinshi, óz ómirin otqa tosqan ómirde joq áriptesterimizdiń bolashaq urpaqtary men jaqyn-týystaryna máńgi laıyqty qurmet kórsetýdiń mańyzy zor ekendigin» aıtty.
Jıyn barysynda qaza bolǵandarǵa 1 mınýt únsizdik jarıalanyp, qatysýshylar eskertkish manýmenti janyna gúl shoqtaryn qoıdy.
